Foto: gitr.ru
Prezident Qasym-Jomart Toqaev Ulttyq quryltaidyń IV otyrysynda Qazaqstandaǵy aimaqtyq teatrlardyń jai-kúii máz emes ekenin aitty, dep habarlaidy Ult.kz.
Táýelsizdik jyldarynda mádeniet salasynda kóp jumys atqaryldy. Klassikalyq jáne zamanaýi mýzykaǵa arnalǵan sáýletti ǵimarattar salyndy. Kóptegen teatr ashyldy.
«Qazaqstanda teatr ónerine qyzyǵýshylyq artyp keledi. Zal kórermenge toly, qoiylymdardyń premerasyna biletter eki-úsh apta buryn satylyp ketedi. Sahna ónerine qushtar jandardyń arasynda jastardyń kóp bolýy kóńilge erekshe qýanysh uialatady.
Qazir Qazaqstanda 46 aimaqtyq teatr bar. Alaida onyń kópshiliginiń jai-kúii máz emes. Mysaly, Semeide bir ǵimaratta úsh birdei teatr syǵylysyp otyr. Ásirese, aimaqtarda teatrlardy damytýǵa basa nazar aýdarý kerek. Halqymyzdyń mádeni áralýandyǵyn saqtaýǵa múmkindik beretin orys jáne basqa da ulttyq teatrlardy qoldaý mańyzdy.
Elimizde ónerdiń bul túri de tabys ákeletinin dáleldep júrgen jeke teatrlar az emes. Sondyqtan biznes ókilderin aimaqtaǵy teatrlarǵa belsene qoldaý kórsetýge shaqyramyn», – dedi Prezident Qasym-Jomart Toqaev.
