Foto: nege.kz Qazbek Maigeldinov
28 qańtarda Úkimet úiinde Memleket basshysy Qasym-Jomart Toqaevtyń tóraǵalyǵymen Úkimettiń keńeitilgen otyrysy ótedi. Otyrysta qandai máseleler qozǵalyp, qandai bastamalar kóterilýi múmkin? Bul týraly Ult.kz tilshisi saiasattanýshy Qazbek Maigeldinovten surap kórdi.
Aqorda taratqan aqparatta “otyrys barysynda elimizdiń 2024 jylǵy áleýmettik-ekonomikalyq damýy qorytyndylanyp, Úkimettiń aldaǵy kezeńge arnalǵan negizgi mindetteri aiqyndalady” delingen. Sondai-aq Premer-ministr Oljas Bektenov, Ulttyq bank tóraǵasy Timýr Súleimenov jáne birqatar óńir ákimderiniń baiandamalary tyńdalady.
Saiasattanýshy Qazbek Maigeldinov Úkimettiń keńeitilgen otyrysynda Memleket basshysy basymdyq beretin máseleler kóp dep otyr.
«Álemdik deńgeide qaraityn bolsaq, munai baǵasynyń turaqsyzdyǵy, Taiaý Shyǵystaǵy Gaza sektory men Palestina arasyndaǵy soǵys, odan bólek, Ýkraina men Resei arasyndaǵy geosaiasi iri qaqtyǵystar, Amerika Qurama Shtattary prezidenttigine Donald Tramptyń kelýimen birneshe álemdegi ekonomikaǵa áser etetinin keshegi kezdesýde aitqany, osy máseleler arasynda Qazaqstan úshin birinshiden ekonomikamyzdy ártaraptandyrý máselesi tur. Ol týraly Prezident jalpy aityp júr. Qarapaiym zattar ekonomikasy, aimaqtardaǵy ónerkásiptik-óndiristik máseleni nyǵaitý týraly», -degen saiasattanýshy qarjylyq máselelerdi basty nazarǵa alý kerek ekenin aitady.
«Aimaqtardaǵy kóktemgi sý tasqyny bolsyn, egin egý, basqa da máselelerde jyl saiyn qaitalanatyn olqylyqtar bar. Osy turǵydan alǵan kezde qazirgi basty másele - aimaqtardyń ekonomikalyq turaqty ósýi bolýy kerek. Ekinshi másele, árine, qara halyqty da alańdatyp júrgen - infliatsiia máselesi. Óitkeni, bizde ótken jyly infliatsiia óte joǵary deńgeide boldy. Al aqsha-nesie saiasatyn júrgizý Ulttyq banktiń qazirgi tańda jasap jatqany», -deidi ol.
Degenmen, saiasattanýshynyń sózinshe baiandamadan bólek, memleket baqylaýyndaǵy qandai áreketter jáne naqty qadamdar jasalady? Osy máselege kóńil aýdarý kerek. Óitkeni bul jalpy eldegi baǵa ósimine, baǵany turaqtandyrý máselesine tikelei áser etedi.
«Endi osy eki másele tóńireginde qosymsha qalai ekonomikany kóterý kerek degende, árine, birinshi kezekte investitsiia tartý máselesi kiredi. Óitkeni investitsiiany shikizattyq emes sektorlarǵa tartý máselesi kókeikesti. Ásirese aimaqtar memleketten bólingen aqshadan bólek, osy investitsiialyq tartymdylyq máselesine basa nazar aýdarýy kerek. Bir aimaqta investitsiia saiasaty jaqsy júrgizilse, keibir aimaqtarda nashar. Al onyń barlyǵy túptep kelgen kezde aimaqtardyń ekonomikalyq deńgeiine tikelei áser etedi», -dep otyr Maigeldinov.
Saiasattanýshy halyqtyń ál-aýqatyn arttyrýdy da ózekti máseleler qataryna qosty.
«Osy maqsatta biýdjetten aqsha bólinedi, biraq másele qanshalyqty ádil bólinip jatyr? Iaǵni aimaqtarda ortalyqtandyrý saiasaty keibir olqylyqtardyń betin ashyp jatyr. Kóp aimaqtar jaýapkershilikti almaidy, tikelei úlestirý máselesinde, áleýmettik salany damytýda qatelikter jiberip jatyr. Bul máselege de basty nazar aýdarylýy kerek siiaqty», -deidi ol.
Qazbek Maigeldinovtyń oiynsha qazirgi tańda úsh bastama Qazaqstan ekonomikamyzǵa óte mańyzdy. Onyń birinshisi, kólik-logistikalyq infraqurylymdy jetildirý. Sebebi qazirdiń ózinde mańyzdy avtojoldardyń qurylysyn aiaqtalý merzimi jáne sapaly oryndalýy ózekti bolyp tur. Sosyn aýylsharýashylyǵyna bólinetin qarjyny arttyrý, odan keiin ónimdi tereń óńdeýge jáne shikizattyq-aýylsharýashylyq tereń óńdeý máselesine basty nazar aýdarý kerek.
«Óitkeni munyń barlyǵy túptep kelgen kezde, jańa jumys oryndarynyń ashylýy, jumyssyzdyq máselesin sheshýge jáne qaýiptisizdigin qamtamasyz etýge óte mańyzdy», -deidi saiasattanýshy Q. Maigeldinov.
