QR Bilim jáne ǵylym ministri Ashat Aimaǵambetov oqýshylar men ata-analardy, ustazdardy oqý jylynyń aiaqtalýymen quttyqtady, dep habarlaidy "Ult aqparat".
«Barlyǵymyz úshin biylǵy 25 mamyr erekshe formatta ótip jatyr. Álemdik pandemiia bizdiń kúndelikti ómirimizdi túbegeili ózgertti. Biylǵy oqý jyly 4 millionnan astam oqýshy men stýdenttiń esinde qashyqtan oqytý formatyna kóshýmen saqtalady dep oilaimyn. Qysqa ýaqyttyń ishinde barlyǵyńyz jumysty durys uiymdastyra bildińizder. Bul muǵalimderdiń, ata-analardyń, oqýshylardyń birlesken áreketiniń nátijesi dep bilemin. Búgin men árqaisyńyzǵa jeke toqtalǵym keledi. Sizder jańa jaǵdaida jaqsy nátijelerge qol jetkizip, naǵyz erlik tanyttyńyzdar. Ustazdarǵa degen alǵysymdy bir sózben jetkizý múmkin emes. Sizder qiyn jaǵdaiǵa qaramastan oqýshylardy bilim nárimen sýsyndatyp, oqý barysynda tynymsyz eńbek ettińizder. Sizderdiń arqalaryńyzdy 4-toqsan tolyqtai qashyqtan oqytý formatynda ótti», - dedi ministr Facebook paraqshasynda jariialanǵan quttyqtaýynda.
Onyń atap ótýinshe, bul - bizdiń bilim salasynda buryn-sońdy bolmaǵan oqiǵa.
«Qiyn kezde balalaryna tireý bola bilgen ata-analardyń da eńbegi ólsheýsiz. Sizderdiń qoldaýlaryńyz, úide otyryp bilim alýǵa jaǵdai jasaýlaryńyz qashyqtan oqytýdy uiymdastyrýǵa bizge múmkindik berdi. Iá, árine syn kóp aityldy. Degenmen, szider túsinistik tanytyp, balalarymyzdyń bolashaǵy úshin osy máseleni jeńil qabyldadyńyzdar. Sol úshin sizderge alǵys aitamyn. Oqýshylarǵa degen rizashylyǵym sheksiz. Olar jaýapkershilikti ata-analarymen teńdei bólisip, tártipti jáne alǵyr bola bildi. Endi mine, bilimge degen qushtarlyqty joǵaltpai oqý jylyn oidaǵydai aiaqtap jatyr. Bul shyn máninde eresek adamdarǵa tán qasiet dep aitqym keledi», - dedi Ashat Aimaǵambetov.
