Keiingi 10 jylda eldegi balalar úiiniń sany 2 ese, ondaǵy tárbielenýshiler sany 3 ese azaiǵan, dep habarlaidy QazAqparat.
Bilim jáne ǵylym ministri Ashat Aimaǵambetov Úkimet otyrysynda osyndai statistika keltirdi.
«Respýblikada balalardyń quqyǵyn qorǵaý jáne olardyń damýyna qolaily jaǵdai jasaý boiynsha júieli sharalar qabyldanǵan. Osy másele boiynsha Prezident tapsyrmalarynyń sheńberinde jańa zańnamalyq normalar qarastyrylýda. Keiingi eki jyl ishinde ulttyq zańnamaǵa 83 jańa túzetý engizildi. Sonyń ishinde 2020 jyldyń ózinde balalardyń quqyǵyn qorǵaý úshin 22 normativtik-quqyqtyq akt qabyldandy», - dedi ministr.
Onyń aitýynsha, keiingi 10 jylda balalar úileriniń sany 210-nan 96-ǵa deiin nemese 2 ese, ondaǵy tárbielenýshilerdiń sany 3 ese azaiǵan.
«Al sońǵy úsh jyldy alsaq, 42 balalar úii jabylyp, tárbielenýshilerdiń sany 1969-ǵa azaiyp otyr. Balalar úilerinde arnaiy qamqorshylyq keńesi quryldy. 18 balalar úii balalardy qoldaý ortalyqtaryna beiimdeldi. Bala asyrap alatyn ata-analardy mindetti túrde daiarlyqtan ótkizý úshin «Bala asyrap alshýylar mektebi» institýty engizildi», - dedi Bilim jáne ǵylym ministri.
