Bilim jáne ǵylym ministri Ashat Aimaǵambetov túlekterge hat jazdy. Ult portaly oqyrman nazaryna hattyń tolyq mátinin usynady.
"Qurmetti túlekter!Eki aidan keiin mektepti aiaqtap, jańa ómirge qadam basqaly otyrsyzdar.Mektep qabyrǵasynda júrgende ustazdaryńyz sizderge bilim men tárbieni qatar úiretti. Ata-analaryńyz da únemi keńesterin aityp, durys jol siltep otyrdy. Endi boilaryńyzǵa sińgen osy qasietterdi paidalanyp, ómirlerińizdegi jaýapty sheshimdi qabyldaisyzdar.Árine, sizder úshin alǵashqy mańyzdy emtihannyń biri - ol UBT. Biraq UBT ómirdegi eń jeńil, ońai synaqtyń biri ekenin aitqym keledi.Oqýshylardyń UBT-dan qiyndyqsyz ótýi úshin qosymsha sharalardy qabyldadyq.1. UBT-ny elektrondy formatqa kóshirip, ony barynsha ádil ettik. Ornatylǵan kameralar, proktoring jáne transliatsiia júiesi túlekterge kedergi keltirmeýi kerek. Sebebi bul shara UBT-nyń ádil jáne ashyq ótýi úshin engizildi.
2. UBT jylyna bir ret emes, 4 ret ótkiziledi. Bul jumysqa áriptesterimiz kóp kúsh-jiger jumsasa da, biraq ol túlekterdiń kúizelisin azaityp, ýniversitetke túsýine birneshe múmkindik beretinin bilemiz.
3. Erekshe qajettilikteri bar balalarǵa da arnaiy jaǵdai jasaldy. Biyldan bastap olarǵa tapsyrmalardy oryndaý úshin qosymsha 40 minýt bólindi. Sondai-aq tapsyrmalar sýretsiz, syzbalarsyz jáne diagrammalarsyz berildi.
4. Endi test tapsyrýshylarǵa kalkýliatorlardy turaqty túrde paidalanýǵa ruqsat etiledi.
5. Biyl sizderge UBT upailary ǵana emes, sonymen qatar ár pán boiynsha nátijelerdiń taqyryptyq taldaýy beriledi. Bul sizderdiń álsiz tustaryńyzdy taldaýǵa jáne bilimderińizdi jetildirýge kómektesedi.
6. Prezidenttiń qoldaýynyń arqasynda grantqa túsýge múmkindik artyp otyr. Biyl qosymsha 15 myń grant bólinip, stipendiia mólsheri 15 paiyzǵa ósti.
7. Jaqsy jańalyq ta bar. Instagramda meni belgilep, grantqa túsý úshin bir emes, eki ret UBT tapsyrý týraly ótinish jazyp júrgenderińizdi bilemin. Sheshim qabyldaý kezinde biz oqýshylardyń usynysyn, qyzyǵýshylyǵyn nazardan shyǵarmaýǵa tyrysamyz. Sol sebepti osy joly da sizderdiń usynystaryńyz boiynsha sheshim qabyldadyq. Iaǵni endi sizder eki ret UBT tapsyryp, grantqa túsýge múmkindik alasyzdar. Bul shara emotsionaldy stress deńgeiin tómendetetinine senimimiz mol.
Qymbatty túlekter! UBT synaǵynan súrinbei ótýlerińizge tilektespin. Bilimderińizdiń arqasynda joǵary nátijege qol jetkizip, grantqa ie bolyńyzdar! Barshańyzǵa sáttilik tileimin!
Qadirli dostar! "Qandai ýniversitetti tańdap, qaida oqyǵan durys?"- dep te oilap júrgen bolarsyzdar?
Osy rette birneshe keńesimmen bólisýdi jón sanap otyrmyn:
Birinshi. JOO-nyń jumys berýshiler reitingindegi ornymen, kadr quramymen, oqý jaǵdailarymen tanysyńyz.
Ekinshi. Qandai baǵdarlama boiynsha oqý júrgiziletinin qarańyz. Sondai-aq mamandyqtardyń ataýy birdei estilip, biraq mazmuny aitarlyqtai ózgeshe bolýy múmkin. Sol sebepti úzdik álemdik tájiribege súiene otyryp, ýniversitetterdiń barlyq baǵdarlamasynyń tizilimin jasadyq. Endi ol bárine qoljetimdi.
Úshinshi. Ýniversitettiń bedelin baǵalańyz. Qazir JOO-lar óz úlgisindegi diplomdardy beredi. Degenmen ýniversitet beretin diplomnyń qaǵazynan buryn, onyń qandai mamandy daiyndap shyǵaratyny mańyzǵa ie.
Tórtinshi. Ýniversitettiń akkreditatsiiasyna nazar aýdaryńyz. Eger ol eń myqty akkreditteý uiymdarynan ótse, onda sapanyń bolatynyna senýge bolady.
Besinshi. Ýniversitetti tańdaý kezinde sizdi kúmándi arzan oqý nemese sabaqqa qatyspaý múmkindigi siiaqty oilar qyzyqtyrmaýy mańyzdy. Sebebi jumys berýshiler diplomdy jaramsyz dep tanyp, qarajatyńyz ben ýaqytyńyz bosqa shyǵyn bolýy múmkin.
Altynshy. Qazaqstandyq JOO-ny tańdaýǵa keńes beremin. Bizdiń ýniversitetterdiń sapasy kórshi elderdiń kóptegen ýniversitetinen asyp túsetinin senimmen aita alamyn.
Endi bolashaq mamandyqty tańdaýǵa qatysty da aita keteiin. Jinaǵan ball kólemine nemese basqa bir faktorlarǵa bailanysty qabyldanǵan sheshim qate ekenin este saqtańyz.
Oqý men kásiptiń 3 túri úlken áleýetke ie dep oilaimyn:
1. Jas muǵalim. Qazir bul mamandyq turaqtylyqtyń kepiline ainaldy. Elimizde jaqsy muǵalimderge suranys óte joǵary. Qazir jalaqy da, damý men mansaptyq ósý múmkindikterine de jaǵdai jasalǵan. Sonymen qatar osy baǵytqa 9,5 myń grant bólinip, eń joǵary stipendiia taǵaiyndalady, odan bólek, jalaqy jyl saiyn 25 paiyzǵa ósip otyrady.
2. Jas injener. Prezident tehnikalyq mamandyqtardyń mańyzdylyǵyn atap ótken bolatyn. Myqty injener bolsańyz, onda siz kez kelgen jerde básekege qabiletti bolasyz. Ózderińiz biletindei, júzdegen jas qazaqstandyq Google, Amazon jáne álemge áigili basqa da kompaniialarda jumys isteidi.
3. Jas ǵalym. Qazaqstan ǵylymy qarqyndy damyp keledi. Otandyq ǵalymdar QazVac vaktsinasyn jasady. Sondai-aq jas ǵalymdar búkil álem boiynsha ǵylymi jarystarda aldyńǵy oryndarda. Olardyń jobalaryna sheteldik kompaniialar seriktestik usynyp júr. Odan bólek, biz ǵalymdarǵa barynsha qolaily jaǵdai jasap jatyrmyz. Atap aitqanda, ǵylymi granttar bólý, sheteldik ǵylymi ortalyqtarda taǵylymdamadan ótý jáne t.b. Sizderdiń aralaryńyzdan da Sátbaev isin jalǵastyrýshy myqty ǵalym shyǵýy ábden múmkin.
Qurmetti túlekter!
Sizderge Jańa Qazaqstandy qurýǵa tamasha múmkindik berilip otyr.
Sizderdiń ideialaryńyz, maqsattaryńyz ben talpynystaryńyzdyń arqasynda elimiz odan ári dami túsetinine senimdimin.
Qandai jaǵdai bolsyn, joǵary kásibi mamandar árqashan suranysqa ie. Osyny esten shyǵarmańyzdar.
Eńbekqorlyq pen súiikti ispen ainalysýǵa degen talpynys bolsa, temirjolshy bolyp ta juldyz atanýǵa bolady.
Ózińizge jáne kúsh-jigerińizge senińiz. Bilimniń asýlaryn baǵyndyryp, izdenýden talmańyz. Ýaqytty bosqa ótkizbeýge tyrysyńyz. Ony jańa bilim men daǵdyny úirenýge jumsańyz.
Bastysy, ómir jolyńyzda qandai qiyndyqtar týyndasa da, onyń barlyǵyn jeńýge bolatynyn árdaiym esińizde ustańyz", - dedi ol.
