بٸلٸم جەنە عىلىم مينيسترٸ اسحات ايماعامبەتوۆ تٷلەكتەرگە حات جازدى. ۇلت پورتالى وقىرمان نازارىنا حاتتىڭ تولىق مەتٸنٸن ۇسىنادى.
"قۇرمەتتٸ تٷلەكتەر!ەكٸ ايدان كەيٸن مەكتەپتٸ اياقتاپ, جاڭا ٶمٸرگە قادام باسقالى وتىرسىزدار.مەكتەپ قابىرعاسىندا جٷرگەندە ۇستازدارىڭىز سٸزدەرگە بٸلٸم مەن تەربيەنٸ قاتار ٷيرەتتٸ. اتا-انالارىڭىز دا ٷنەمٸ كەڭەستەرٸن ايتىپ, دۇرىس جول سٸلتەپ وتىردى. ەندٸ بويلارىڭىزعا سٸڭگەن وسى قاسيەتتەردٸ پايدالانىپ, ٶمٸرلەرٸڭٸزدەگٸ جاۋاپتى شەشٸمدٸ قابىلدايسىزدار.ەرينە, سٸزدەر ٷشٸن العاشقى ماڭىزدى ەمتيحاننىڭ بٸرٸ - ول ۇبت. بٸراق ۇبت ٶمٸردەگٸ ەڭ جەڭٸل, وڭاي سىناقتىڭ بٸرٸ ەكەنٸن ايتقىم كەلەدٸ.وقۋشىلاردىڭ ۇبت-دان قيىندىقسىز ٶتۋٸ ٷشٸن قوسىمشا شارالاردى قابىلدادىق.1. ۇبت-نى ەلەكتروندى فورماتقا كٶشٸرٸپ, ونى بارىنشا ەدٸل ەتتٸك. ورناتىلعان كامەرالار, پروكتورينگ جەنە ترانسلياتسييا جٷيەسٸ تٷلەكتەرگە كەدەرگٸ كەلتٸرمەۋٸ كەرەك. سەبەبٸ بۇل شارا ۇبت-نىڭ ەدٸل جەنە اشىق ٶتۋٸ ٷشٸن ەنگٸزٸلدٸ.
2. ۇبت جىلىنا بٸر رەت ەمەس, 4 رەت ٶتكٸزٸلەدٸ. بۇل جۇمىسقا ەرٸپتەستەرٸمٸز كٶپ كٷش-جٸگەر جۇمساسا دا, بٸراق ول تٷلەكتەردٸڭ كٷيزەلٸسٸن ازايتىپ, ۋنيۆەرسيتەتكە تٷسۋٸنە بٸرنەشە مٷمكٸندٸك بەرەتٸنٸن بٸلەمٸز.
3. ەرەكشە قاجەتتٸلٸكتەرٸ بار بالالارعا دا ارنايى جاعداي جاسالدى. بيىلدان باستاپ ولارعا تاپسىرمالاردى ورىنداۋ ٷشٸن قوسىمشا 40 مينۋت بٶلٸندٸ. سونداي-اق تاپسىرمالار سۋرەتسٸز, سىزبالارسىز جەنە دياگراممالارسىز بەرٸلدٸ.
4. ەندٸ تەست تاپسىرۋشىلارعا كالكۋلياتورلاردى تۇراقتى تٷردە پايدالانۋعا رۇقسات ەتٸلەدٸ.
5. بيىل سٸزدەرگە ۇبت ۇپايلارى عانا ەمەس, سونىمەن قاتار ەر پەن بويىنشا نەتيجەلەردٸڭ تاقىرىپتىق تالداۋى بەرٸلەدٸ. بۇل سٸزدەردٸڭ ەلسٸز تۇستارىڭىزدى تالداۋعا جەنە بٸلٸمدەرٸڭٸزدٸ جەتٸلدٸرۋگە كٶمەكتەسەدٸ.
6. پرەزيدەنتتٸڭ قولداۋىنىڭ ارقاسىندا گرانتقا تٷسۋگە مٷمكٸندٸك ارتىپ وتىر. بيىل قوسىمشا 15 مىڭ گرانت بٶلٸنٸپ, ستيپەندييا مٶلشەرٸ 15 پايىزعا ٶستٸ.
7. جاقسى جاڭالىق تا بار. ينستاگرامدا مەنٸ بەلگٸلەپ, گرانتقا تٷسۋ ٷشٸن بٸر ەمەس, ەكٸ رەت ۇبت تاپسىرۋ تۋرالى ٶتٸنٸش جازىپ جٷرگەندەرٸڭٸزدٸ بٸلەمٸن. شەشٸم قابىلداۋ كەزٸندە بٸز وقۋشىلاردىڭ ۇسىنىسىن, قىزىعۋشىلىعىن نازاردان شىعارماۋعا تىرىسامىز. سول سەبەپتٸ وسى جولى دا سٸزدەردٸڭ ۇسىنىستارىڭىز بويىنشا شەشٸم قابىلدادىق. ياعني ەندٸ سٸزدەر ەكٸ رەت ۇبت تاپسىرىپ, گرانتقا تٷسۋگە مٷمكٸندٸك الاسىزدار. بۇل شارا ەموتسيونالدى سترەسس دەڭگەيٸن تٶمەندەتەتٸنٸنە سەنٸمٸمٸز مول.
قىمباتتى تٷلەكتەر! ۇبت سىناعىنان سٷرٸنبەي ٶتۋلەرٸڭٸزگە تٸلەكتەسپٸن. بٸلٸمدەرٸڭٸزدٸڭ ارقاسىندا جوعارى نەتيجەگە قول جەتكٸزٸپ, گرانتقا يە بولىڭىزدار! بارشاڭىزعا سەتتٸلٸك تٸلەيمٸن!
قادٸرلٸ دوستار! "قانداي ۋنيۆەرسيتەتتٸ تاڭداپ, قايدا وقىعان دۇرىس?"- دەپ تە ويلاپ جٷرگەن بولارسىزدار?
وسى رەتتە بٸرنەشە كەڭەسٸممەن بٶلٸسۋدٸ جٶن ساناپ وتىرمىن:
بٸرٸنشٸ. جوو-نىڭ جۇمىس بەرۋشٸلەر رەيتينگٸندەگٸ ورنىمەن, كادر قۇرامىمەن, وقۋ جاعدايلارىمەن تانىسىڭىز.
ەكٸنشٸ. قانداي باعدارلاما بويىنشا وقۋ جٷرگٸزٸلەتٸنٸن قاراڭىز. سونداي-اق ماماندىقتاردىڭ اتاۋى بٸردەي ەستٸلٸپ, بٸراق مازمۇنى ايتارلىقتاي ٶزگەشە بولۋى مٷمكٸن. سول سەبەپتٸ ٷزدٸك ەلەمدٸك تەجٸريبەگە سٷيەنە وتىرىپ, ۋنيۆەرسيتەتتەردٸڭ بارلىق باعدارلاماسىنىڭ تٸزٸلٸمٸن جاسادىق. ەندٸ ول بەرٸنە قولجەتٸمدٸ.
ٷشٸنشٸ. ۋنيۆەرسيتەتتٸڭ بەدەلٸن باعالاڭىز. قازٸر جوو-لار ٶز ٷلگٸسٸندەگٸ ديپلومداردى بەرەدٸ. دەگەنمەن ۋنيۆەرسيتەت بەرەتٸن ديپلومنىڭ قاعازىنان بۇرىن, ونىڭ قانداي ماماندى دايىنداپ شىعاراتىنى ماڭىزعا يە.
تٶرتٸنشٸ. ۋنيۆەرسيتەتتٸڭ اككرەديتاتسيياسىنا نازار اۋدارىڭىز. ەگەر ول ەڭ مىقتى اككرەديتتەۋ ۇيىمدارىنان ٶتسە, وندا ساپانىڭ بولاتىنىنا سەنۋگە بولادى.
بەسٸنشٸ. ۋنيۆەرسيتەتتٸ تاڭداۋ كەزٸندە سٸزدٸ كٷمەندٸ ارزان وقۋ نەمەسە ساباققا قاتىسپاۋ مٷمكٸندٸگٸ سيياقتى ويلار قىزىقتىرماۋى ماڭىزدى. سەبەبٸ جۇمىس بەرۋشٸلەر ديپلومدى جارامسىز دەپ تانىپ, قاراجاتىڭىز بەن ۋاقىتىڭىز بوسقا شىعىن بولۋى مٷمكٸن.
التىنشى. قازاقستاندىق جوو-نى تاڭداۋعا كەڭەس بەرەمٸن. بٸزدٸڭ ۋنيۆەرسيتەتتەردٸڭ ساپاسى كٶرشٸ ەلدەردٸڭ كٶپتەگەن ۋنيۆەرسيتەتٸنەن اسىپ تٷسەتٸنٸن سەنٸممەن ايتا الامىن.
ەندٸ بولاشاق ماماندىقتى تاڭداۋعا قاتىستى دا ايتا كەتەيٸن. جيناعان بالل كٶلەمٸنە نەمەسە باسقا بٸر فاكتورلارعا بايلانىستى قابىلدانعان شەشٸم قاتە ەكەنٸن ەستە ساقتاڭىز.
وقۋ مەن كەسٸپتٸڭ 3 تٷرٸ ٷلكەن ەلەۋەتكە يە دەپ ويلايمىن:
1. جاس مۇعالٸم. قازٸر بۇل ماماندىق تۇراقتىلىقتىڭ كەپٸلٸنە اينالدى. ەلٸمٸزدە جاقسى مۇعالٸمدەرگە سۇرانىس ٶتە جوعارى. قازٸر جالاقى دا, دامۋ مەن مانساپتىق ٶسۋ مٷمكٸندٸكتەرٸنە دە جاعداي جاسالعان. سونىمەن قاتار وسى باعىتقا 9,5 مىڭ گرانت بٶلٸنٸپ, ەڭ جوعارى ستيپەندييا تاعايىندالادى, ودان بٶلەك, جالاقى جىل سايىن 25 پايىزعا ٶسٸپ وتىرادى.
2. جاس ينجەنەر. پرەزيدەنت تەحنيكالىق ماماندىقتاردىڭ ماڭىزدىلىعىن اتاپ ٶتكەن بولاتىن. مىقتى ينجەنەر بولساڭىز, وندا سٸز كەز كەلگەن جەردە بەسەكەگە قابٸلەتتٸ بولاسىز. ٶزدەرٸڭٸز بٸلەتٸندەي, جٷزدەگەن جاس قازاقستاندىق Google, Amazon جەنە ەلەمگە ەيگٸلٸ باسقا دا كومپانييالاردا جۇمىس ٸستەيدٸ.
3. جاس عالىم. قازاقستان عىلىمى قارقىندى دامىپ كەلەدٸ. وتاندىق عالىمدار QazVac ۆاكتسيناسىن جاسادى. سونداي-اق جاس عالىمدار بٷكٸل ەلەم بويىنشا عىلىمي جارىستاردا الدىڭعى ورىنداردا. ولاردىڭ جوبالارىنا شەتەلدٸك كومپانييالار سەرٸكتەستٸك ۇسىنىپ جٷر. ودان بٶلەك, بٸز عالىمدارعا بارىنشا قولايلى جاعداي جاساپ جاتىرمىز. اتاپ ايتقاندا, عىلىمي گرانتتار بٶلۋ, شەتەلدٸك عىلىمي ورتالىقتاردا تاعىلىمدامادان ٶتۋ جەنە ت.ب. سٸزدەردٸڭ ارالارىڭىزدان دا سەتباەۆ ٸسٸن جالعاستىرۋشى مىقتى عالىم شىعۋى ەبدەن مٷمكٸن.
قۇرمەتتٸ تٷلەكتەر!
سٸزدەرگە جاڭا قازاقستاندى قۇرۋعا تاماشا مٷمكٸندٸك بەرٸلٸپ وتىر.
سٸزدەردٸڭ يدەيالارىڭىز, ماقساتتارىڭىز بەن تالپىنىستارىڭىزدىڭ ارقاسىندا ەلٸمٸز ودان ەرٸ دامي تٷسەتٸنٸنە سەنٸمدٸمٸن.
قانداي جاعداي بولسىن, جوعارى كەسٸبي ماماندار ەرقاشان سۇرانىسقا يە. وسىنى ەستەن شىعارماڭىزدار.
ەڭبەكقورلىق پەن سٷيٸكتٸ ٸسپەن اينالىسۋعا دەگەن تالپىنىس بولسا, تەمٸرجولشى بولىپ تا جۇلدىز اتانۋعا بولادى.
ٶزٸڭٸزگە جەنە كٷش-جٸگەرٸڭٸزگە سەنٸڭٸز. بٸلٸمنٸڭ اسۋلارىن باعىندىرىپ, ٸزدەنۋدەن تالماڭىز. ۋاقىتتى بوسقا ٶتكٸزبەۋگە تىرىسىڭىز. ونى جاڭا بٸلٸم مەن داعدىنى ٷيرەنۋگە جۇمساڭىز.
باستىسى, ٶمٸر جولىڭىزدا قانداي قيىندىقتار تۋىنداسا دا, ونىڭ بارلىعىن جەڭۋگە بولاتىنىن ەردايىم ەسٸڭٸزدە ۇستاڭىز", - دەدٸ ول.
