Bilim jáne ǵylym ministri Ashat Aimaǵambetov joǵary oqý oryndarynyń rektorlarymen keńes ótkizdi, dep habarlaidy "Ult aqparat" vedomstvonyń baspasóz qyzmetine silteme jasap.
Kezdesý barysynda kún tártibine sáikes qaralǵan taqyryptardyń biri stýdentter men oqytýshylardyń qaýipsizdik máseleleri tóńireginde boldy.
BǴM basshysy bilim ordalaryndaǵy qural-jabdyqtarǵa túgendeý júrgizý, beinekameralardyń jedel basqarý ortalyqtaryna qosylýyn qamtamasyz etý, joǵary oqý oryndaryna kirgizý rejimin kúsheitýdi jáne stýdentter arasynda oqý-jattyǵý sabaqtaryn ótkizýdi tapsyrdy.
Sondai-aq jataqhanalarda pysyqtalýy tiis qaýipsizdikti kúsheitý sharalary da aityldy.
«Qazandaǵy qaiǵyly jaǵdai mektepter men kolledjderdegi qaýipsizdikti kúsheitý qajettigin kórsetti. Osyndai qorqynyshty jaǵdailardyń qaitalanýyna jol bermeý úshin mekteptermen qosa, ýniversitetterde de qaýipsizdik sharalaryn kúsheitýimiz kerek. Stýdentter men oqytýshylar tótenshe jaǵdailarda ózin qalai ustaý kerektigin bilýi tiis. Biz qolda bar jabdyqtardy tekserip, qajet bolǵan jaǵdaida qosymsha jabdyq ornatýymyz kerek. Qaýipsizdik sharalary qoldanylyp, oqý jattyǵýlary neǵurlym jii ótkiziletin bolsa, bizdiń balalarymyzdyń da qaýipsizdigi soǵurlym arta túsedi», – dep atap ótti ministr Ashat Aimaǵambetov.
