QR Bilim jáne ǵylym ministri Ashat Aimaǵambetov Prezidenttik jastar kadrlyq rezervi músheleriniń bilim salasynda qandai ózgerister engizip jatqandyǵy týraly aityp berdi, dep habarlaidy "Ult aqparat".
«Prezidenttik jastar kadrlyq rezervinde kóptegen talantty jastar baryn kórip júrmiz. Búginde bilim salasynda prezidenttik jastar rezervine múshe 7 maman jumys istep jatyr jáne olardyń jumystary óz nátijesin berýde. Talantty jastardyń bilim salasyn jetildirýge óz úlesterin qosyp jatqanyna qýanyshtymyz. Bizge kelgen kadrlyq rezerv músheleri bilim salasyna oń ózgerister engizýde, iaǵni qazirgi ýaqytta bilim salasyna qatysty birneshe normativtik aktilerge ózgerister men tolyqtyrýlar engizildi», - dedi Aimaǵambetov.
Sondai-aq, ministr bilim salasyndaǵy jańa ózgeristerge toqtalyp ótti.
«Memleket basshysynyń tapsyrmasyna sáikes, tárbie-bilim salasyna qatysty birinshi másele elimizdi tolyqtai balabaqshamen qamtamasyz etý. Onyń ishinde balabaqshany kópten ashý ǵana emes, sapaǵa mán berý. Sol siiaqty balanyń qandai balabaqshaǵa baratynyn ata-ananyń erkine berý. Bul baǵyttaǵy jumys júieli túrde qolǵa alynýda. Ekinshi kezekte orta bilim. Ásirese qazirgi ýaqytta mańyzdy bolyp turǵan qashyqtan oqý máselesi. Osy oraida Prezident qashyqtan oqýdy birkelkilendirýdi tapsyrdy. Búginde bul suraq bizde kún tártibinde tur jáne jaqyn ýaqytta ol óz sheshimin tabady dep oilaimyn. Kelesi másele joǵarǵy bilim berý. Sońǵy kúnderi baiqap jatqandaryńyzdai biz elimiz boiynsha birneshe joǵarǵy oqý ornyn litsenziiasynan aiyrdyq. Onyń sebebi bilimniń durys berilmeýi jáne sapanyń bolmaýy. Joǵarǵy oqý oryndaryna da qatysty túiitkildi máseleler baryn jasyrmaimyz. Bizdiń maqsat – osy máselelerdi júieli túrde sheshý», - dedi ol.
Aita keteiik, búgin elordada QR Bilim jáne ǵylym ministri A. Aimaǵambetov Prezidenttik jastar kadrlyq rezerviniń múshelerimen kezdesti.
