QR Bilim jáne ǵylym ministri Ashat Aimaǵambetov orynbasaryna qylmystyq is qozǵaldy degen daqpyrtqa qatysty jaýap berdi, dep habarlaidy QazAqparat.
«Bul aqparatty sol memlekettik organnyń ózinen anyqtaý qajet. Biz resmi habarlama alǵan joqpyz. Sondyqtan menińshe bul máselege tiisti memlekettik organnyń túsinikteme bergeni durys bolar», - dedi ol Ortalyq kommýnikatsiialar qyzmetindegi baspasóz máslihatynda BAQ ókilderiniń saýalyna orai.
Ashat Aimaǵambetovtiń naqtylaýynsha, barlyq orynbasary búgin jumys ornynda boldy.
«Rústem Aidarbekulyna (Biǵari) qatysty mundai aqparat estigen emespin. Búgin ol jumys istep jatyr. Kináli emestiginiń anyq-qanyǵyna jetý qajettigin atap ótkim keledi. Dolbar jasaý, orynbasarlardyń biri bolýy múmkin kúdiktený durys emes», - dedi ol.
Sonymen qatar ol fakti naqtylanǵan jaǵdaida ǵana sóz qozǵaýǵa bolatyndyǵyn aitty.
«Naqtylanǵan aqparat bolyp jatsa, árine, biz sizdermen bul jaiynda sóilese alamyz. Alaida, dál qazirgi jaǵdaida áriptesterimniń barlyǵy da jumysynda. Áriptesim jaily, onyń kúdikke ilingeni nemese ustalǵany týraly resmi málimet alǵan joqpyz», - dedi ministr.
