Qashyqtan sabaq oqityn oqýshylardan mektep formasyn kiiýdi talap etýge bolmaidy. Bul týraly Ortalyq kommýnikatsiialar qyzmetinde ótken mektep oqýshylarynyń IV toqsanda qashyqtyqtan oqý júiesine arnalǵan onlain konferentsiiada aityldy, dep habarlaidy QazAqparat.
«Keibir direktor, ustazdar oqýshylardan úide sabaq oqyǵan kezde tiisti forma kiiýdi talap etedi eken. Bul týraly kóp suraqtar qoiylyp jatyr. Biz bul máseleni qoldamaimyz jáne bulai jumys júrgizýge bolmaitynyn aitamyz», - deidi QR Bilim jáne ǵylym ministri Ashat Aimaǵambetov.
Onyń aitýynsha, búgingi kúni 167 memleket qashyqtyqtan oqytý júiesine kóshken.
«1 milliardtan astam bala qashyqtan oqytý júiesi arqyly bilim alýda. Qandai qiyndyqtar bolsa da, oǵan daiyn nemese daiyn emes bolsaq ta, munyń aldyndaǵy zańnamada bolǵan joq ekenin aitsaq ta osy júiege kóshýge týra keledi. Osyǵan qatysty biraz másele bar ekenin bilemiz. Bul - bilim salasy úshin úlken synaq. Problemalardyń bar ekenin bilip, olardy sheship, tiisti deńgeide oryndaimyz dep oilaimyz», - deidi QR Bilim jáne ǵylym ministri Ashat Aimaǵambetov.
