Memleket basshysy Qasym-Jomart Toqaev Bilim jáne ǵylym ministri Ashat Aimaǵambetovti qabyldady, dep habarlaidy "Ult aqparat" Aqordaǵa silteme jasap.
Prezidentke bilim jáne ǵylym salasynyń qazirgi ahýaly jaiynda baiandaldy.
Qasym-Jomart Toqaev joǵary bilim berýdiń sapasyn odan ári arttyrý, qala men aýyl mektepterindegi bilim sapasynyń deńgeiin sáikestendirý qajettigine basa mán berdi. Sonymen qatar balalarǵa qosymsha bilim berý sharalaryn kóbeitýdiń, mektepterde tárbie jumystaryn belsendi júrgizýdiń mańyzdylyǵyn atap ótti.
Memleket basshysy oblys ákimderimen birlesip apatty jáne úsh aýysymdaǵy mektepterdiń problemasyn sheshý, bilim berý oshaqtarynda kúrdeli jóndeý jumystaryn ýaqtyly júrgizý qajettigin aitty.
Sondai-aq Prezident ǵylym salasyn qarjylandyrý jáne basqarý júiesin jańǵyrtý sharalaryn qabyldaýdy, ǵylymǵa bólinetin qarjy kólemin kóbeitýdi, ǵylymi kadrlardy daiyndaýdyń tiimdiligin arttyrýdy tapsyrdy.
