Senat depýtattary mektep kitaphanalarynda jumys isteitin qyzmetkerlerdiń jalaqysyn arttyrý máselesin kóterdi, dep habarlaidy Sputnik Qazaqstan.
Búgin senattyń jalpy otyrysynda senator Dinar Nóketaeva mekteptegi kitaphanashylardyń jalaqysyn arttyrý máselesin kóterdi. Onyń aitýynsha, búginde mádeniet salasyna qaraityn, iaǵni, jalpy halyqqa qyzmet kórsetetin kitaphana qyzmetkerleriniń jalaqysy 30-50 protsenti kóterildi. Biraq mekteptegi kitaphanashylardyń eńbekaqysy sol kúiinde qaldy. Al jas urpaqty tárbieleý men ulttyq qundylyqtardy saqtaý turǵysynda osy mamandardyń atqaratyn róli zor. Osy oraida depýtat bilim jáne ǵylym ministrinen bilim uiymdaryndaǵy kitaphanashylardyń jalaqysy basqa kitaphanashylarmen qashan teńesetinin surady.
Bilim jáne ǵylym ministri Ashat Aimaǵambetovtyń aitýynsha, búginde mektep kitaphanalarynda 13,5 myń adam jumys isteidi. Olardyń barlyǵy bilim qyzmetkerleri bolyp sanalady. Sol sebepti mádeniet salasyndaǵy kitaphanashylardyń jalaqysyn arttyrý sharalaryna ilikpei qaldy.
"Bilim salasynda qyzmet etetin 13,5 myń kitaphanashynyń jalaqysy mádeniet salasyndaǵy áriptesterimen salystyrǵanda áldeqaida tómen. Al jumys mazmuny birdei jáne ózińiz bilesizder, ásirese, shalǵaidaǵy eldi mekenderde jalǵyz kitaphana ǵana jumys isteidi, ol oqýshylardy ǵana emes, barlyq turǵyndy kitappen qamtamasyz etedi", - deidi Aimaǵambetov.
Onyń sózine qaraǵanda, búginde arnaiy jumys toby quryldy. Oǵan bilim jáne ǵylym ministrligi, eńbek jáne halyqty áleýmettik qorǵaý ministrligi, sondai-aq, qarjy ministrliginiń mamandary kiredi.
"Olar jumysty bastap ketti. Biz tiisti esepti daiyndadyq. Bolashaqta kóp kúttirmei, osy másele sheshiledi dep úmittenemiz", - dep atap kórsetti Aimaǵambetov.
Al senat tóraǵasy Máýlen Áshimbaev kúzde biýdjetti qaraý kezinde mekteptegi kitaphanashylardyń jalaqysyn kóterý máselesin engizýdi usyndy.
"Álihan Ashanuly (qarjy ministri), ondai ózekti másele bar. Prezidenttiń tapsyrmasyna sáikes, ustazdardyń jalaqysy óte jaqsy ósti. Mádeniet salasyndaǵy kitaphanashylardyń jalaqysy da ósip jatyr. Biraq mektepte isteitin kitaphana qyzmetkerleri eńbekaqysynyń óspeýi, árine, biraz suraqtardy týdyryp jatqany jasyryn emes. Sondyqtan kúzde aldaǵy úsh jyldyń biýdjetin qaraǵan kezde soǵan deiin osy somany pysyqtap, qarap, sony bárimiz birge biýdjetke kirgizý jaǵyn qarastyrýymyz qajet", - dedi Áshimbaev.
