.webp)
Foto: Zakon.kz
QR Parlamenti Májilisiniń depýtaty Ashat Aimaǵambetov Qurylys kodeksiniń jańa jobasynda áleýmettik mańyzy zor birqatar normalardyń eskerilmegenin aityp, naqty usynystar aitty, dep habarlaidy Ult.kz.
🔹 1. Mektep pen balabaqsha turǵyn úilermen qatar salynýy tiis
Depýtat byltyr qabyldanǵan, kópqabatty turǵyn úilerdi mektepter men balabaqshalarsyz salýǵa tyiym salatyn zańnyń jańa Kodeks jobasynda múlde eskerilmegenin aitty.
«Qazir tutas shaǵynaýdandar mektep pen emhanasyz salynyp jatyr. Myńdaǵan otbasy kóship keledi, biraq balalarǵa oqý men em alý orny joq. Bul – ádiletsizdik», – dedi ol.
🔹 2. Balalardyń qaýipsizdigi basty orynda bolýy qajet
Aimaǵambetov áleýmettik nysandar men turǵyn úilerdiń terezelerinde qaýipsizdik qulyptary ornatylýy tiis degen normanyń da jańa qujatta joq ekenin synǵa aldy.
«Iá, qurylysshylar úshin qymbat shyǵar. Biraq bala ómirinen qymbat ne bar?» – dedi depýtat.
🔹 3. Geologiialyq zertteý salasyndaǵy beiberekettik
Onyń aitýynsha, keibir qurylys kompaniialary geologiialyq qorytyndyny tipti jerdi zerttemei-aq satyp alady.
«Mundai jaǵdailar jaryqtar men apattarǵa alyp keledi. Biz jobalaý men geologiialyq zertteýlerdiń ókilettigin naqty bólýdi usyndyq», – dedi Aimaǵambetov.
🔹 4. Áleýmettik nysandarǵa bólingen jerdi basqa maqsatta paidalanýǵa tyiym salý
Depýtattyń sózinshe, keibir aimaqtarda mektep pen balabaqshaǵa arnalǵan jer telimderi ýaqyt óte turǵyn úi nemese saýda ortalyǵyna ainalyp ketedi.
«Mundai jerlerdiń maqsatyn tek 100 metr radiýsta balama telim berilgen jaǵdaida ǵana ózgertýge ruqsat etilýi tiis», – dedi ol.
🔹 5. Qurylys kompaniialary men ákimdikter arasyndaǵy memorandýmdar zańdy kúshke ie bolýy kerek
Qazirgi kelisimder kóbine «jai ýáde» kúiinde qalyp, naqty jaýapkershilik júktemeidi. Sondyqtan Aimaǵambetov bul qujattarǵa zańdy mindetteme mártebesin berýdi usyndy.
🔹 6. Sapasyz qurylys pen jaýapkershiliktiń joqtyǵy
Depýtat qurylys sapasyn baqylaý tetikterin kúsheitýdi jáne aiyppuldardy birneshe ese arttyrýdy, tipti óreskel buzýshylyqtarǵa qylmystyq jaýapkershilik engizýdi talap etti.
Ashat Aimaǵambetovtiń aitýynsha, bul usynystar tek tehnikalyq emes, ádilet pen adam ómiriniń qundylyǵyna negizdelgen sheshimder.
«Bizdiń túzetýlerimiz – ar-ojdan men ádilettiń normalary», – dep túiindedi ol.
