QR Bilim jáne ǵylym ministri Ashat Aimaǵambetov Úkimet otyrysynda bilim berý obektileriniń qaýipsizdigin qamtamasyz etý jumystaryn baiandady, dep habarlaidy QazAqparat.
«Halyqaralyq tájirbie, sonyń ishinde Qazan qalasynda bolǵan oqiǵanyń saldary da zerdelendi. Bul taldaý Qazan mektebinde oqýshylar men muǵalimderdiń osyndai qaýipti jaǵdaida qajetti is-áreketterdi bilýiniń arqasynda, dabyl túimelerimen, arnaiy kúzetpen qamtamasyz etilýiniń arqasynda zalal minimaldy deńgeide bolǵanyn kórsetedi. Halyqaralyq tájiribe de beinekameralarmen, dabyl túimelermen qamtamasyz etý, tótenshe jaǵdailarǵa qarsy áreket etýdiń naqty algoritmin engizý, arnaiy kúzet jáne pedagogter men oqýshylardy daiarlaý qajettiligin kórsetti», - dedi ministr.
Osyǵan orai, ótken oqiǵalardyń taldaýy men halyqaralyq standarttarǵa súiene otyryp arnaiy normativtik-quqyqtyq aktiler qabyldanǵan.
Sonyń ishinde, terrorizmge qarsy turý úshin qoiylatyn talaptar, bilim berý uiymdaryn beinebaqylaý júielerimen qamtý standarttary jáne bilim berý uiymdarynda tyiym salynǵan zattardyń tizbesi siiaqty talaptar bekitildi.
«Endi osy talaptardy oryndap, qaýipsiz orta qalyptastyrý úshin kelesidei mindetterdi oryndaýymyz qajet: Birinshiden, barlyq beinebaqylaý kameralaryn bekitilgen talaptar men standarttarǵa sáikestendirýimiz qajet. Qalalarda ornalasqan mektepterdiń beinekameralaryn jedel basqarý ortalyqtaryna qosýymyz qajet.
Ekinshiden, barlyq bilim berý uiymdaryn dabyl túimelerimen qamtý, úshinshiden – qala mektepterin arnaiy kúzetpen qamtamasyz etý, tórtinshiden – pedagogterge jáne oqýshylyrǵa tótenshe jaǵdailar men terroristik qaýip tóngende qabyldanatyn sharalar men algoritmderin engizý jáne psihologiialyq qyzmetterdiń róli men jalpy tárbie jumysyn kúsheitýimiz qajet», - dedi A. Aimaǵambetov.
