قر بٸلٸم جەنە عىلىم مينيسترٸ اسحات ايماعامبەتوۆ ٷكٸمەت وتىرىسىندا بٸلٸم بەرۋ وبەكتٸلەرٸنٸڭ قاۋٸپسٸزدٸگٸن قامتاماسىز ەتۋ جۇمىستارىن باياندادى, دەپ حابارلايدى قازاقپارات.
«حالىقارالىق تەجٸربيە, سونىڭ ٸشٸندە قازان قالاسىندا بولعان وقيعانىڭ سالدارى دا زەردەلەندٸ. بۇل تالداۋ قازان مەكتەبٸندە وقۋشىلار مەن مۇعالٸمدەردٸڭ وسىنداي قاۋٸپتٸ جاعدايدا قاجەتتٸ ٸس-ەرەكەتتەردٸ بٸلۋٸنٸڭ ارقاسىندا, دابىل تٷيمەلەرٸمەن, ارنايى كٷزەتپەن قامتاماسىز ەتٸلۋٸنٸڭ ارقاسىندا زالال مينيمالدى دەڭگەيدە بولعانىن كٶرسەتەدٸ. حالىقارالىق تەجٸريبە دە بەينەكامەرالارمەن, دابىل تٷيمەلەرمەن قامتاماسىز ەتۋ, تٶتەنشە جاعدايلارعا قارسى ەرەكەت ەتۋدٸڭ ناقتى الگوريتمٸن ەنگٸزۋ, ارنايى كٷزەت جەنە پەداگوگتەر مەن وقۋشىلاردى دايارلاۋ قاجەتتٸلٸگٸن كٶرسەتتٸ», - دەدٸ مينيستر.
وسىعان وراي, ٶتكەن وقيعالاردىڭ تالداۋى مەن حالىقارالىق ستاندارتتارعا سٷيەنە وتىرىپ ارنايى نورماتيۆتٸك-قۇقىقتىق اكتٸلەر قابىلدانعان.
سونىڭ ٸشٸندە, تەرروريزمگە قارسى تۇرۋ ٷشٸن قويىلاتىن تالاپتار, بٸلٸم بەرۋ ۇيىمدارىن بەينەباقىلاۋ جٷيەلەرٸمەن قامتۋ ستاندارتتارى جەنە بٸلٸم بەرۋ ۇيىمدارىندا تىيىم سالىنعان زاتتاردىڭ تٸزبەسٸ سيياقتى تالاپتار بەكٸتٸلدٸ.
«ەندٸ وسى تالاپتاردى ورىنداپ, قاۋٸپسٸز ورتا قالىپتاستىرۋ ٷشٸن كەلەسٸدەي مٸندەتتەردٸ ورىنداۋىمىز قاجەت: بٸرٸنشٸدەن, بارلىق بەينەباقىلاۋ كامەرالارىن بەكٸتٸلگەن تالاپتار مەن ستاندارتتارعا سەيكەستەندٸرۋٸمٸز قاجەت. قالالاردا ورنالاسقان مەكتەپتەردٸڭ بەينەكامەرالارىن جەدەل باسقارۋ ورتالىقتارىنا قوسۋىمىز قاجەت.
ەكٸنشٸدەن, بارلىق بٸلٸم بەرۋ ۇيىمدارىن دابىل تٷيمەلەرٸمەن قامتۋ, ٷشٸنشٸدەن – قالا مەكتەپتەرٸن ارنايى كٷزەتپەن قامتاماسىز ەتۋ, تٶرتٸنشٸدەن – پەداگوگتەرگە جەنە وقۋشىلىرعا تٶتەنشە جاعدايلار مەن تەرروريستٸك قاۋٸپ تٶنگەندە قابىلداناتىن شارالار مەن الگوريتمدەرٸن ەنگٸزۋ جەنە پسيحولوگييالىق قىزمەتتەردٸڭ رٶلٸ مەن جالپى تەربيە جۇمىسىن كٷشەيتۋٸمٸز قاجەت», - دەدٸ ا. ايماعامبەتوۆ.
