Jańa oqý jylynan bastap elimizdiń bilim berý uiymdaryna «Qundylyqtarǵa negizdelgen bilim berý» jobasy engiziledi. Bul týraly QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
Qazirgi ýaqytta bilim berýdiń barlyq deńgeiinde tárbielik komponentti tolyqtyrý mindeti tur. Sondyqtan biz «Qundylyqtarǵa negizdelgen bilim berý» jobasyn ázirledik jáne ol jańa oqý jylynan bastap engiziledi. Bul jobany biz biylǵy oqý jylynan bastap barlyq bilim berý uiymdarynda engizetin bolamyz. Bul óte mańyzdy. Ál-Farabi: «Tárbiesiz berilgen bilim adamzattyń qas jaýy» degendei tárbie jumysyn qolǵa alyp, ony jańa formatta júrgizý óte mańyzdy bolyp tur», - dedi ministr pedagogtar men bilim jáne ǵylym salasy qyzmetkerleriniń respýblikalyq tamyz keńesi barysynda.
Onyń atap ótýinshe, bul joba oqýshylar, stýdentter parlamenti qyzmetin jetildire túsýi tiis. Sonymen qatar bilim berýdiń barlyq deńgeiinde «Jas ulan», «Jas qyran» qozǵalystaryn damytý jalǵasa beretin bolady.
