QR bilim jáne ǵylym ministri Ashat Aimaǵambetov Facebook paraqshasynda qazaqstandyq ustazdarǵa hat jazdy, - dep habarlaidy "Ult aqparat".
"Qymbatty áriptesim!
Mine, barshamyz úshin qiyn ári erekshe bolǵan oqý jyly da óz máresine jetti.
Bul oqý jyly aianbai qyzmet etken ár muǵalimniń eren eńbegimen jáne erligimen esimizde qalary sózsiz. Mektepterge múldem jańa oqytý ádisterine kóshý ońaiǵa soqpaǵanyn bári birdei túsine bermeidi.
Ókinishke orai, biz dástúrli oqytý formatyna tolyqtai kóshe almadyq. Pandemiianyń saldary bilim berý júiesine áli de áser etetini anyq.
Degenmen, Siz barlyq qiyndyq pen syn-tegeýrinderge qaramastan, sabaqtaryńyzdy utymdy uiymdastyryp, múmkindiginshe jaqsy nátije kórsete aldyńyz.
Siz ustaz mamandyǵynyń sezimtaldyq, balalarǵa degen qamqorlyq jáne adamgershilik syndy eń jaqsy qasietterin tanytýdyń jarqyn úlgisine ainaldyńyz.
Alaida, jumsalǵan kúsh-jigerge qaramastan, qashyqtan oqytý kezinde ártúrli sebepterge bailanysty artta qalǵan balalardyń bilimderi men basqa oqýshylardyń bilim deńgeiin salystyrǵanda alshaqtyq baiqalady.
Bul jaǵdaidyń oryn alǵanyna balalar kináli me? Árine, balalardyń esh kinási joq. Olar dástúrli formatta bilim alsa, Sizdiń qoldaýyńyzdy sezinip, ózderin kórsete alar edi dep senemin.
Olarǵa bul olqylyqtardyń ornyn toltyrý úshin múmkindik berýimiz kerek pe? Álbette. Men, sizdiń áriptesińiz retinde, mamandyǵymyzǵa tán qasiet - izgilikke umtylyp, shákirtterińizge kómek qolyn sozýyńyzdy suraimyn.
Jigerli ári alǵyr mektep oqýshylarymen jumys isteý ońaiyraq. Degenmen, pandemiiaǵa bailanysty oqý baǵdarlamasynan qalyp qoiǵan oqýshylarmen jumys jasaý ońai emes.
Oqýshylardyń bilimi boiynsha artta qalýy olardyń múmkindikteri sondai degen sóz emes. Bilim berýdegi olqylyqtardy qiyn jaǵdai men oqýshylardy jigerlendirý deńgeiiniń jetkiliksizdigimen sipattaýǵa bolady.
Mundai balalar qazir barlyq nazarymyzdy qajet etedi. Olardyń áleýeti zor. Sondyqtan balalarymyzǵa qoldaý kórsetýimiz kerek.
Búldirshinderimizdi óz qamqorlyǵyńyzǵa alyp, qiyndyqtarǵa qaramastan olqylyqtardyń ornyn qosymsha sabaqtar ótkizý arqyly toltyrasyzdar dep úmittenemin. Meniń bul ótinishimdi qabyl alýyńyzdy suraimyn.
Sonymen birge Sizdi jazǵy mektepterdiń jumysyna 26 mamyr - 20 maýsym aralyǵynda belsene qatysýǵa shaqyramyn.
Osy jyly sońǵy qońyraý merekesinde erekshe sezimge bólengenińizdi bilemin.
Óitkeni, bir jaǵynan oqý jyly aiaqtalyp jatsa, ekinshi jaǵynan - jazǵy mektepter jumys istei bastady. Biz mundai jaǵdaidyń qaitalanbaýy úshin qoldan kelgenniń bárin jasaityn bolamyz.
Qashyqtan bilim berý kezinde áriptesterim áleýmettik jelilerdi belsendi ári erkin meńgere bastap, óz sabaqtaryna oiyn elementterin engize bastaǵanyn erekshe atap ótkim keledi.
Biz, árine, osyndai kásipqoi mamandarymyzdy únemi qoldap, olardy basqalar úshin úlgi etemiz. Bul úrdis umytylmai, kerisinshe, odan da úlken áserge ie bolady dep úmittenemin.
Oqýshylarǵa tárbie berý máselesi muǵalim jumysynda óte mańyzdy, sol sebepti bul baǵytta ata-analarmen birlese jumys jasalýy tiis.
Siz balamen onyń janynda otbasy men jaqyndary bolmaityn bóten ortada jumys jasap, oqýshynyń boiynda bolýy múmkin problemalary týraly ata-analaryna der kezinde aita alasyz.
Bala otbasynda da, mektepte de oǵan basa nazar aýdarylatynyn sezinýi kerek. Buǵan tek ata-analarmen tyǵyz bailanysta, olarmen teń jáne seriktestik qarym-qatynas qurý arqyly qol jetkizýge bolady.
Balalardyń qyzyǵýshylyǵyn oiatyp, olardy qatelikteri úshin aiyptamańyz. Kerisinshe, oryn alǵan qatelikterin túzetýge kómektesińiz. Sońy sáttilikke ulaspaǵan áreketterinen keiin úmit pen senimdi joǵaltpaýǵa úiretińiz. Balalar ózgeshe oilap, óz pikirin bildirgenderi úshin olardyń upailaryn tómendetpeńiz.
Qazir balalarymyz olarǵa barynsha túsinistikpen qaraǵanymyzdy asa qajet etedi. Olarǵa mahabbat pen qamqorlyq qajet. Biz búldirshinderimizdiń mektepke baryp, bilim alǵandaryn qalaimyz. Sonymen qatar balalarymyzdy basqalarmen salystyrǵanymyzdy toqtatý kerek.
Pandemiia jaǵdaiy muǵalimniń basty qyzmeti tek aqparat berý emes, sondai-aq onyń basqa da mindetterin aiqyndap berdi. Atap aitsaq, balalarǵa qoldaý kórsetý, janashyrlyq tanytý, olardy yntalandyrý, kómek qolyn sozyp, tálimger bolý.
Búginginiń balalary múldem ózgeshe, olar ózderin erkin ustaidy. Endigi kezekte olardyń boilaryndaǵy jaqsy qasietterdi saqtap, odan ári damytý - bizdiń basty mindetimiz.
Qymbatty áriptes!
Hatymdy aiaqtai otyryp, Sizdi vaktsinatsiia naýqanynda belsendi azamattyq ustanymyńyzdy tanytyp, vaktsinatsiia týraly ǵylymi derekterdi taratý barysynda kómek kórsetýińizdi suraimyn. Sondai-aq atalǵan taqyryp aiasyndaǵy jalǵan aqparatpen kúresýge shaqyramyn.
Men oqytýdyń dástúrli formatyn qoldaimyn jáne búldirshinderimiz úshin mektep esikteri aiqara ashylady dep úmittenemin. Halyq vaktsinatsiia naýqanyna neǵurlym belsendi qatyssa, ádettegi ómir yrǵaǵyna soǵurlym tezirek oralatynymyz sózsiz.
El Prezidenti Qasym-Jomart Kemeluly Toqaevtyń turaqty qoldaýynyń arqasynda pandemiia zardaptaryn azaitý múmkindigine ie boldyq. Qiyndyqtardy eńserip, oqý úrdisin qamtamasyz ete aldyq.
Osy qiyn-qystaý kezeńde men Sizben birlese otyryp, jumys isteý qurmetine ie boldym.
Osy rette túsinistik tanytyp, qoldaý kórsetkenińiz úshin jáne adal qyzmetińiz úshin alǵys bildiremin! Baǵa jetpes ustazdyq eńbegińiz úshin, jankeshti jumysyńyz ben kez kelgen ýaqytta balalarymyzǵa tireý bolýǵa degen izgi nietińiz úshin raqmet!
Siz – naǵyz batyr, biylǵy oqý jylynyń basty keiipkeri atandyńyz.
Sizge sáttilik, myqty densaýlyq tileimin! Ózińiz ben jaqyndaryńyzǵa janashyr bolyńyz!
Jazǵy demalys kezinde jaqsy demalyp, jańa oqý jylyna kúsh-qýatpen oralýyńyzdy tileimin.
Jańa oqý jylynda jolyqqansha!.." - dep jazdy ministr
