Bilim jáne ǵylym ministri Ashat Aimaǵambetov elimizdegi balabaqshalar ázirge jumysyn toqtatpaitynyn málim etti, dep habarlaidy "Ult aqparat".
«Bilim jáne ǵylym salalarynda aldyn alý sharalary qabyldandy. BǴM tiisti buiryǵy shyǵyp, ony barlyq bilim berý uiymy men oblystardyń bilim basqarmalaryna jetkizdik. Sol buiryqta eń basty tapsyrmalar berildi. Birinshiden, balabaqshalarǵa toqtalar bolsaq, aldyn ala aqparat bergendei, olar ázirge jumysyn toqtatpaidy. Biraq biz ata-analardyń múmkindikterine qarai, balabaqshaǵa barmaýdy (aparmaýdy – avt.) usynamyz. Munyń aldynda buiryqqa sáikes bala birneshe kún boiy balabaqshaǵa kelmese, shyǵarylatyny týraly norma bar edi. Biz qazir ol normany alyp tastadyq», - dedi Ashat Aimaǵambetov.
Bilim jáne ǵylym ministri qazirgi ýaqytta balany balabaqshaǵa ákelmese de orny saqtalatynyn jetkizdi.
Eske sala ketsek, 14 naýryzda elordada ótken baspasóz máslihatynda Densaýlyq saqtaý ministri Eljan Birtanov Qazaqstanda eki adamnyń koronavirýs juqtyrǵanyn jetkizgen edi. Kóp ýaqyt ótpei Milan qalasynan Nur-Sultanǵa kelgen taǵy bir qazaqstandyqtan koronavirýs infektsiiasy tabyldy.
Keiin Germaniiadan ushyp kelgen Qazaqstan azamatynan koronavirýs anyqtaldy.
Al búgin taǵy eki azamattyń osy dertti juqtyrǵany belgili boldy. Osylaisha bul dertke shaldyqqandar sany 6 adamǵa jetip otyr.
