بٸلٸم جەنە عىلىم مينيسترٸ اسحات ايماعامبەتوۆ ەلٸمٸزدەگٸ بالاباقشالار ەزٸرگە جۇمىسىن توقتاتپايتىنىن مەلٸم ەتتٸ, دەپ حابارلايدى "ۇلت اقپارات".
«بٸلٸم جەنە عىلىم سالالارىندا الدىن الۋ شارالارى قابىلداندى. بعم تيٸستٸ بۇيرىعى شىعىپ, ونى بارلىق بٸلٸم بەرۋ ۇيىمى مەن وبلىستاردىڭ بٸلٸم باسقارمالارىنا جەتكٸزدٸك. سول بۇيرىقتا ەڭ باستى تاپسىرمالار بەرٸلدٸ. بٸرٸنشٸدەن, بالاباقشالارعا توقتالار بولساق, الدىن الا اقپارات بەرگەندەي, ولار ەزٸرگە جۇمىسىن توقتاتپايدى. بٸراق بٸز اتا-انالاردىڭ مٷمكٸندٸكتەرٸنە قاراي, بالاباقشاعا بارماۋدى (اپارماۋدى – اۆت.) ۇسىنامىز. مۇنىڭ الدىندا بۇيرىققا سەيكەس بالا بٸرنەشە كٷن بويى بالاباقشاعا كەلمەسە, شىعارىلاتىنى تۋرالى نورما بار ەدٸ. بٸز قازٸر ول نورمانى الىپ تاستادىق», - دەدٸ اسحات ايماعامبەتوۆ.
بٸلٸم جەنە عىلىم مينيسترٸ قازٸرگٸ ۋاقىتتا بالانى بالاباقشاعا ەكەلمەسە دە ورنى ساقتالاتىنىن جەتكٸزدٸ.
ەسكە سالا كەتسەك, 14 ناۋرىزدا ەلوردادا ٶتكەن باسپاسٶز مەسليحاتىندا دەنساۋلىق ساقتاۋ مينيسترٸ ەلجان بٸرتانوۆ قازاقستاندا ەكٸ ادامنىڭ كوروناۆيرۋس جۇقتىرعانىن جەتكٸزگەن ەدٸ. كٶپ ۋاقىت ٶتپەي ميلان قالاسىنان نۇر-سۇلتانعا كەلگەن تاعى بٸر قازاقستاندىقتان كوروناۆيرۋس ينفەكتسيياسى تابىلدى.
كەيٸن گەرمانييادان ۇشىپ كەلگەن قازاقستان ازاماتىنان كوروناۆيرۋس انىقتالدى.
ال بٷگٸن تاعى ەكٸ ازاماتتىڭ وسى دەرتتٸ جۇقتىرعانى بەلگٸلٸ بولدى. وسىلايشا بۇل دەرتكە شالدىققاندار سانى 6 ادامعا جەتٸپ وتىر.
