QR Bilim jáne ǵylym ministri Ashat Aimaǵambetov ata-analarmen jáne ustazdarmen onlain-kezdesý ótkizedi, dep habarlaidy "Ult aqparat".
«6 sáýirde bastalatyn IV toqsanda mektep oqýshylary sabaqty qashyqtan oqityny belgili. Ministrlik qashyqtan bilim berý tehnologiialaryn paidalana otyryp, oqý protsesin uiymdastyrýǵa qatysty aqparattandyrý jumystaryn BAQ pen áleýmettik jeliler arqyly úzdiksiz jalǵastyryp keledi. Búgin saǵat 15:00-de Bilim jáne ǵylym ministri Ashat Aimaǵambetov vedomstvanyń áleýmettik jelilerdegi resmi paraqshalary arqyly tikelei efirde ata-analarmen, ustazdarmen jáne mektep direktorlarymen onlain-kezdesý ótkizip, suraqtarǵa jaýap beredi», - delingen atalǵan ministrliktiń Telegram paraqshasynda jariialaǵan aqparatta.
Ashat Aimaǵambetovtiń onlain-kezdesýin ministrliktiń Facebook pen Instagram paraqshalarynan jáne ministrdiń Instagram -daǵy jeke paraqshasynan kóre alasyzdar.
