Bilim jáne ǵylym ministri Ashat Aimaǵambetov 2021 jyly «Álippe» Ahmet Baitursynovtyń ádistemesi negizinde qaita engiziletinin málim etti, dep habarlaidy "Ult aqparat".
«Álippe máselesin kópten beri ustazdar bolsyn, ata-analar bolsyn kóterip júr. Bul – óte mańyzdy. Biz álippeni qaitarý kerek dep esepteimiz. Ol 2021 jyly ózderińizge jaqsy tanys qazaq tiline beiimdelgen Ahmet Baitursynovtyń ádistemesi negizinde engiziletin bolady. Biz qazirgi ýaqytta osy jumysty júrgizip jatyrmyz», - dedi ol Tamyz konferentsiiasynda.
Ministr óz sózinde «Álippeniń» birneshe nusqasyn qarastyrylǵanyn tilge tiek etti.
«Olarda eshqandai logika joq. Baspalardyń biri 11 daýyssyz, 11 daýysty árpi bar nusqasyn alyp kelipti. Nelikten, múmkin basqasha bir ádisteme bar shyǵar dep surai bastasań – eshkim de túsinikti túrde jaýap bere almaidy. Álippe – tájiribe jasaityn alań emes. Bizde baiaǵydan – naqty qazaq tiline beiimdelgen ádisteme bar. Ol - Ahmet Baitursynovtyń ádistemesi. Sondyqtan, eshteńeni oidan shyǵarmai, osy ádistemeniń negizinde jumys júrgizetin bolamyz», - dedi Ashat Aimaǵambetov.
