Búgin Bilim jáne ǵylym ministri Ashat Aimaǵambetov «Úzdik pedagog-2020» baiqaýynyń jeńimpazdaryn marapattady, dep habarlaidy "Ult aqparat".
«Sizderdi tól merekelerińizben quttyqtaimyn! «Adamnyń adamshylyǵy jaqsy ustazdan» dep uly Abai aitqandai, eń basty maman ol - ustaz. Óitkeni, ustaz barlyq mamandy tárbieleidi, bárine bilim beredi. Búginde memleketimizde ustazdardyń mártbesin kóterý, olarǵatiisti jaǵdai jasaý úshin úlken is-sharalar bastalyp, júzege asyrylýda. Ózderińiz bilesizder, Elbasy Nursultan Nazarbaevtyń saliqaly, sarabdal saiasatynyń aiasynda elimizde bilim salasyn damytýǵa zor kóńil bólinip, aýyz toltyryp aitarlyq jetistikterge qol jetkizdik. Qazirgi ýaqytta el Prezidenti Qasym-Jomart Toqaev bilim salasyna erekshe nazar aýdaryp, jýyrdaǵy Joldaýynda da osy máselege úlken kóńil bóldi», - dedi ministr shara barysynda.
Onyń aitýynsha, biyl 1 qańtardan bastap muǵalimderdiń jalaqysy 25 paiyzǵa artty. Jalpy 1-2 jyldyń ishinde ustazdardyń jalaqysy 2 ese artatyn bolady.
«Búgin ustazdarymyz úshin tiisti jaǵdai jasaýymyz kerek. Ol úshin keshendi jumys júrgizilip jatyr. Pedagogtardyń mártebesi týraly arnaiy Zań qabyldandy. Sol Zańnyń aiasynda 70-ten astam buiryq pen qaýly qabyldanyp, qoldanysqa engizildi. Óte úlken problemalar boldy. Ony bilemiz. Qaǵazbastylyq problema bolǵany belgili. Buǵan qosa,muǵalim mamandyǵyn tańdaityn jaqsy túlekter az edi. Muǵalimderdiń qyzmetine tán emes jumystarǵa tartý problemasy da boldy. Osy máselelerdi sheshý úshin el Prezidentiniń tapsyrmasy aiasynda keshendi jumystar iske asyryldy», - dedi ol.
Ashat Aimaǵambetovtiń atap ótýinshe, Ulttyq biryńǵai testileýdiń nátijesinde biyl «Altyn belgi» alǵan túlekterdiń ishinde muǵalim mamandyǵyn tańdaǵandar 2 ese ósti. 1 qyrkúiekten bastap pedagog mamandyǵy boiynsha bilim alyp júrgen stýdentterdiń shákirtaqysy 26 myńnan 42 myńge deiin artty.
Shara barysynda Bilim jáne ǵylym ministri Ashat Aimaǵambetov «Úzdik pedagog-2020» baiqaýynyń jeńimpazdaryna 2 778 000 teńge (1000 AEK) kóleminde syiaqymen men tósbelgilerdi tabystady.
