QR Bilim jáne ǵylym ministri Ashat Aimaǵambetov pedagogterdi attestattaýdy alyp tastaý týraly usynysqa pikir bildirdi, dep habarlaidy QazAqparat.
Ulttyq biliktilik testileý kezinde muǵalimniń qaitys bolý oqiǵasynan keiin muǵalimder tapsyratyn biliktilik testeriniń sany azaia ma? BAQ ókilderi Úkimet otyrysynan keiin ótken baspasóz máslihatynda QR Bilim jáne ǵylym ministri Ashat Aimaǵambetovke osyndai suraq qoidy.
«Attestatsiia rásimin alyp tastaý – eń kóp túsetin usynystardyń biri. Ony men jasyra almaimyn. Munyń aldynda 2018 jyldan bastap attestatsiia engizildi. Men osy testileýdi alyp tastaimyz desem, bári bórikterin aspanǵa laqtyryp, qýanatyny túsinikti. Biraq bizge mundai arzan piar qajet emes. Eń qajeti – bilim berý sapasy», - dedi ministr.
Sondai-aq ol salaǵa qatysty sheshim qabyldaǵanda eń áýeli jekelegen toptarǵa emes, jalpy halyqqa paidaly jaǵyn negizge alatynyn túsindirdi.
«Bizde eń basty másele – jaqsy bilim alý máselesi. Sondyqtan biz bireýge unaý úshin, bireýdiń tilin tabý úshin osyndaisheshimder qabyldamaimyz. Biz elge qajetti sheshim qabyldaimyz. Bul óte mańyzdy másele. Osyǵan kóńilderińizdi aýdaramyz», - dedi Ashat Aimaǵambetov.
