قر بٸلٸم جەنە عىلىم مينيسترٸ اسحات ايماعامبەتوۆ پەداگوگتەردٸ اتتەستاتتاۋدى الىپ تاستاۋ تۋرالى ۇسىنىسقا پٸكٸر بٸلدٸردٸ, دەپ حابارلايدى قازاقپارات.
ۇلتتىق بٸلٸكتٸلٸك تەستٸلەۋ كەزٸندە مۇعالٸمنٸڭ قايتىس بولۋ وقيعاسىنان كەيٸن مۇعالٸمدەر تاپسىراتىن بٸلٸكتٸلٸك تەستەرٸنٸڭ سانى ازايا ما? باق ٶكٸلدەرٸ ٷكٸمەت وتىرىسىنان كەيٸن ٶتكەن باسپاسٶز مەسليحاتىندا قر بٸلٸم جەنە عىلىم مينيسترٸ اسحات ايماعامبەتوۆكە وسىنداي سۇراق قويدى.
«اتتەستاتسييا رەسٸمٸن الىپ تاستاۋ – ەڭ كٶپ تٷسەتٸن ۇسىنىستاردىڭ بٸرٸ. ونى مەن جاسىرا المايمىن. مۇنىڭ الدىندا 2018 جىلدان باستاپ اتتەستاتسييا ەنگٸزٸلدٸ. مەن وسى تەستٸلەۋدٸ الىپ تاستايمىز دەسەم, بەرٸ بٶرٸكتەرٸن اسپانعا لاقتىرىپ, قۋاناتىنى تٷسٸنٸكتٸ. بٸراق بٸزگە مۇنداي ارزان پيار قاجەت ەمەس. ەڭ قاجەتٸ – بٸلٸم بەرۋ ساپاسى», - دەدٸ مينيستر.
سونداي-اق ول سالاعا قاتىستى شەشٸم قابىلداعاندا ەڭ ەۋەلٸ جەكەلەگەن توپتارعا ەمەس, جالپى حالىققا پايدالى جاعىن نەگٸزگە الاتىنىن تٷسٸندٸردٸ.
«بٸزدە ەڭ باستى مەسەلە – جاقسى بٸلٸم الۋ مەسەلەسٸ. سوندىقتان بٸز بٸرەۋگە ۇناۋ ٷشٸن, بٸرەۋدٸڭ تٸلٸن تابۋ ٷشٸن وسىندايشەشٸمدەر قابىلدامايمىز. بٸز ەلگە قاجەتتٸ شەشٸم قابىلدايمىز. بۇل ٶتە ماڭىزدى مەسەلە. وسىعان كٶڭٸلدەرٸڭٸزدٸ اۋدارامىز», - دەدٸ اسحات ايماعامبەتوۆ.
