Foto: TikTok
Qazaqstandyq ánshi, prodiýser ári akter Aiqyn Tólepbergen jaqynda kópbalaly áke atanbaq, dep habarlaidy Ult.kz POLITICO.KZ saityna silteme jasap.
Óner iesi bul týraly óz sózinde ázil men shyndyqty aralastyra jetkizdi.
«Besinshi balam dúniege keleiin dep jatyr. Arnaiy daiyndyq kerek emes, júre beresiń. Negizi kópbalaly ákelerge eshqandai kómek joq pa? Birdeńe beresizder me? Qansha degenmen ana týdy degenimen, bárin asyrap jatqan men ǵoi. Balalardyń mektebi, kiim-keshegi, úiirmeleriniń bárin tóleimin. Qaljyńdaimyn», – dedi Aiqyn.
Sonymen qatar ol ár balasynyń qos úiirmege qatysatynyn aityp, memleketten kómek alýǵa múmkindigi bolsa da, oǵan júginbeitinin aitty:
«Ár balam eki úiirmege barady, memleketten birnárse alýǵa bolady eken. Biraq men memleketten eshteńe suramaimyn», – dep qosty ol.
