Parlamenttik oppozitsiia institýty zańnyń durystyǵyna septigin tigizedi. Ulttyq qoǵamdyq senim keńesiniń otyrysyndaǵy Prezident Qasym-Jomart Toqaevtyń usynysy týraly Mańǵystaý oblysy Túpqaraǵan aýdany máslihatynyń hatshysy Aikúmis Dosanova áleýmettik jelidegi paraqshasynda osyndai pikir bildirdi, dep habarlaidy QazAqparat.
Aita keteiik, 20 jeltoqsanda elordada ótken Ulttyq keńestiń ekinshi otyrysynda Memleket basshysy «Parlamenttik oppozitsiia institýtyn qurý» týraly usynys aitqan bolatyn.
Osy usynysty máslihat hatshysy Aikúmis Dosanova da qoldaidy. Onyń aitýynsha, qoǵamda neniń durys, neniń qate ekeni birdei pikir aitylǵanda ǵana kórinedi.
«Aqiqat - bireý, biraq árkimniń óz shyndyǵy bar. Qoǵam da, dúnie de oń men teristen, aq pen qaradan, durys pen qisyqtan quralǵan. Onyń birin kórip, birin kórmeýge bolmaidy. Neniń durys, neniń qisyqtyǵy - eki pikir de aitylyp, saraptalyp, is júzine asqanda kórinedi. Sondyqtan, zańymyz durys bolsyn desek - parlamenttik oppozitsiia kerek» dep jazdy ol.
Aita keteiik, Prezident bul másele týraly: «Bizge parlamenttik oppozitsiia institýty qajet. Biz jańa qoǵamdyq paradigmanyń basty sharty balama kózqarastar men pikirler ekenin túsinýimiz kerek. Sońǵy jyldary óz ustanymdaryn ashyq bildirip júrgen belsendi azamattar birqatar áleýmettik-ekonomikalyq máselelerdi sheshýge atsalysty. Biz balama pikirler men qoǵamdyq talqylaý toqyraýdyń bastaýy emes, kerisinshe, damýdyń basty talaptarynyń biri ekenine kóz jetkizdik», - degen edi.
.jpeg)