پارلامەنتتٸك وپپوزيتسييا ينستيتۋتى زاڭنىڭ دۇرىستىعىنا سەپتٸگٸن تيگٸزەدٸ. ۇلتتىق قوعامدىق سەنٸم كەڭەسٸنٸڭ وتىرىسىنداعى پرەزيدەنت قاسىم-جومارت توقاەۆتىڭ ۇسىنىسى تۋرالى ماڭعىستاۋ وبلىسى تٷپقاراعان اۋدانى مەسليحاتىنىڭ حاتشىسى ايكٷمٸس دوسانوۆا ەلەۋمەتتٸك جەلٸدەگٸ پاراقشاسىندا وسىنداي پٸكٸر بٸلدٸردٸ, دەپ حابارلايدى قازاقپارات.
ايتا كەتەيٸك, 20 جەلتوقساندا ەلوردادا ٶتكەن ۇلتتىق كەڭەستٸڭ ەكٸنشٸ وتىرىسىندا مەملەكەت باسشىسى «پارلامەنتتٸك وپپوزيتسييا ينستيتۋتىن قۇرۋ» تۋرالى ۇسىنىس ايتقان بولاتىن.
وسى ۇسىنىستى مەسليحات حاتشىسى ايكٷمٸس دوسانوۆا دا قولدايدى. ونىڭ ايتۋىنشا, قوعامدا نەنٸڭ دۇرىس, نەنٸڭ قاتە ەكەنٸ بٸردەي پٸكٸر ايتىلعاندا عانا كٶرٸنەدٸ.
«اقيقات - بٸرەۋ, بٸراق ەركٸمنٸڭ ٶز شىندىعى بار. قوعام دا, دٷنيە دە وڭ مەن تەرٸستەن, اق پەن قارادان, دۇرىس پەن قيسىقتان قۇرالعان. ونىڭ بٸرٸن كٶرٸپ, بٸرٸن كٶرمەۋگە بولمايدى. نەنٸڭ دۇرىس, نەنٸڭ قيسىقتىعى - ەكٸ پٸكٸر دە ايتىلىپ, ساراپتالىپ, ٸس جٷزٸنە اسقاندا كٶرٸنەدٸ. سوندىقتان, زاڭىمىز دۇرىس بولسىن دەسەك - پارلامەنتتٸك وپپوزيتسييا كەرەك» دەپ جازدى ول.
ايتا كەتەيٸك, پرەزيدەنت بۇل مەسەلە تۋرالى: «بٸزگە پارلامەنتتٸك وپپوزيتسييا ينستيتۋتى قاجەت. بٸز جاڭا قوعامدىق پاراديگمانىڭ باستى شارتى بالاما كٶزقاراستار مەن پٸكٸرلەر ەكەنٸن تٷسٸنۋٸمٸز كەرەك. سوڭعى جىلدارى ٶز ۇستانىمدارىن اشىق بٸلدٸرٸپ جٷرگەن بەلسەندٸ ازاماتتار بٸرقاتار ەلەۋمەتتٸك-ەكونوميكالىق مەسەلەلەردٸ شەشۋگە اتسالىستى. بٸز بالاما پٸكٸرلەر مەن قوعامدىق تالقىلاۋ توقىراۋدىڭ باستاۋى ەمەس, كەرٸسٸنشە, دامۋدىڭ باستى تالاپتارىنىڭ بٸرٸ ەكەنٸنە كٶز جەتكٸزدٸك», - دەگەن ەدٸ.
.jpeg)