Foto: DALL-E
“Elitalyq eskort” isi boiynsha 2024 jyly 6 jyl 6 aiǵa sottalǵan Aiǵanym Myrzahmetova (laqap aty — Aika) jazasyn óteýdi eki jylǵa keiinge qaldyrdy. Ol osy kezeńde probatsiialyq baqylaýda bolady, dep habarlaidy Ult.kz.
Sot buǵan Myrzahmetovanyń 2020 jyly týǵan balasynyń bar ekenin negiz etken. Merzim aiaqtalǵan soń ol jazasyn óteý úshin qaitadan koloniiaǵa jiberiledi.
Eske salsaq, 2024 jylǵy 21 mamyrda sot Aikany múlkin tárkilei otyryp, orta qaýipsizdik deńgeiindegi túzetý mekemesine qamaý týraly úkim shyǵarǵan. Onyń jaza túrin jeńildetý týraly ótinishi biyl 31 shildede qanaǵattandyrylmaǵan edi.
Qylmystyq kodekstiń 74-baby kishkentai balalary bar áielderge, eger olardyń qylmysy erekshe aýyr sanatqa jatpasa, jazany keiinge qaldyrýǵa múmkindik beredi. Aiǵanym Myrzahmetovanyń isi bul tizimge kirmeidi.
2023 jyly áleýmettik jelide Almatydaǵy elitalyq eskort qyzmeti týraly atyshýly tizim taraǵan bolatyn.
