Oblystyq bilim basqarmalary bilim berý granttaryna artyq qarajat suraýdy ádetke ainaldyrǵan. QR Sybailas jemqorlyqqa qarsy is-qimyl agenttiginiń janyndaǵy respýblikalyq arnaiy monitoring tobynyń tóraiymy Aigúl Soloveva osylai málim etti, dep habarlaidy QazAqparat.
«Bizdiń arnaiy monitoringtik top ekinshi jyl qatarynan oqýǵa túsý emtihandaryna qatysyp keledi. Maǵan bergen esepter boiynsha, kóptegen oblystyq bilim berý basqarmalary memleketten artyq granttar suraǵanyn baiqadym. Saiyp kelgende, ol suranymdary talapkerdiń sanyna sáikes pe, joq pa, ózderi de bilmei jatady. Men Aqtóbe oblysy boiynsha osyndai monitoring júrgizilgenin bilemin. Baqylaýshylardy emtihanǵa jibermegen jaǵdailar boldy. Sondyqtan arnaiy monitoringtik toptardyń komissiialarǵa engizilýin suraimyn. Onyń protseske qatysý, qatyspaýy uiymdastyrýshylardyń qalaýyna táýeldi bolmaýy kerek. Jańaǵy Aqtóbe oblysynda monitoring tobynyń belsendi qatysýynyń arqasynda jergilikti basqarma suraǵan 250 million teńgege jýyq qarajat únemdeldi. Iaǵni, granttardyń laiyqty úmitkerge berilýine basa nazar aýdaryldy», - dedi Aigúl Soloveva.
Onyń pikirinshe, memleket granttarǵa jetkilikti qarajat bóledi. Sol aqshany aqtaý úshin testileýdi kúsheitý qajet. A. Soloveva Qazaqstannyń damyǵan 30 eldiń qataryna kirý baǵytyn bolashaqta jas mamandar jalǵastyratynyn eske salyp, sol úshin maman daiarlaý, oqýǵa qabyldaý protsesteriniń ádil ótýine qoǵamnyń barlyq toptary múddeli bolýy kerektigin aitty.
