وبلىستىق بٸلٸم باسقارمالارى بٸلٸم بەرۋ گرانتتارىنا ارتىق قاراجات سۇراۋدى ەدەتكە اينالدىرعان. قر سىبايلاس جەمقورلىققا قارسى ٸس-قيمىل اگەنتتٸگٸنٸڭ جانىنداعى رەسپۋبليكالىق ارنايى مونيتورينگ توبىنىڭ تٶرايىمى ايگٷل سولوۆەۆا وسىلاي مەلٸم ەتتٸ, دەپ حابارلايدى قازاقپارات.
«بٸزدٸڭ ارنايى مونيتورينگتٸك توپ ەكٸنشٸ جىل قاتارىنان وقۋعا تٷسۋ ەمتيحاندارىنا قاتىسىپ كەلەدٸ. ماعان بەرگەن ەسەپتەر بويىنشا, كٶپتەگەن وبلىستىق بٸلٸم بەرۋ باسقارمالارى مەملەكەتتەن ارتىق گرانتتار سۇراعانىن بايقادىم. سايىپ كەلگەندە, ول سۇرانىمدارى تالاپكەردٸڭ سانىنا سەيكەس پە, جوق پا, ٶزدەرٸ دە بٸلمەي جاتادى. مەن اقتٶبە وبلىسى بويىنشا وسىنداي مونيتورينگ جٷرگٸزٸلگەنٸن بٸلەمٸن. باقىلاۋشىلاردى ەمتيحانعا جٸبەرمەگەن جاعدايلار بولدى. سوندىقتان ارنايى مونيتورينگتٸك توپتاردىڭ كوميسسييالارعا ەنگٸزٸلۋٸن سۇرايمىن. ونىڭ پروتسەسكە قاتىسۋ, قاتىسپاۋى ۇيىمداستىرۋشىلاردىڭ قالاۋىنا تەۋەلدٸ بولماۋى كەرەك. جاڭاعى اقتٶبە وبلىسىندا مونيتورينگ توبىنىڭ بەلسەندٸ قاتىسۋىنىڭ ارقاسىندا جەرگٸلٸكتٸ باسقارما سۇراعان 250 ميلليون تەڭگەگە جۋىق قاراجات ٷنەمدەلدٸ. ياعني, گرانتتاردىڭ لايىقتى ٷمٸتكەرگە بەرٸلۋٸنە باسا نازار اۋدارىلدى», - دەدٸ ايگٷل سولوۆەۆا.
ونىڭ پٸكٸرٸنشە, مەملەكەت گرانتتارعا جەتكٸلٸكتٸ قاراجات بٶلەدٸ. سول اقشانى اقتاۋ ٷشٸن تەستٸلەۋدٸ كٷشەيتۋ قاجەت. ا. سولوۆەۆا قازاقستاننىڭ دامىعان 30 ەلدٸڭ قاتارىنا كٸرۋ باعىتىن بولاشاقتا جاس ماماندار جالعاستىراتىنىن ەسكە سالىپ, سول ٷشٸن مامان دايارلاۋ, وقۋعا قابىلداۋ پروتسەستەرٸنٸڭ ەدٸل ٶتۋٸنە قوعامنىڭ بارلىق توپتارى مٷددەلٸ بولۋى كەرەكتٸگٸن ايتتى.
