Qazaqstan Respýblikasy Sybailas jemqorlyqqa qarsy is-qimyl agenttigi (Sybailas jemqorlyqqa qarsy qyzmet) tóraǵasynyń buiryǵymen Aigúl Soloveva Agenttik tóraǵasynyń azamattyq qoǵammen ózara is-qimyl jónindegi shtattan tys keńesshisi qyzmetine taǵaiyndaldy.
Buǵan deiin ol Sybailas jemqorlyqqa qarsy strategiiany iske asyrýdy syrtqy taldaý men baǵalaýdyń Respýblikalyq arnaiy monitoring tobynyń (budan ári – AMT) jetekshisi boldy, dep habarlaidy QR Sybailas jemorlyqqa qarsy is-qimyl agenttiginiń baspasóz qyzmeti.
AMT – Agenttik janyndaǵy alǵashqy qoǵamdyq institýt. A.Solovevanyń basshylyǵymen AMT respýblikalyq jáne jergilikti deńgeide memlekettik organdardyń ashyqtyǵy men esep berýin damytýǵa eleýli úles qosty.
Aigúl Soloveva uzaq jyldar boiy Qazaqstannyń azamattyq qoǵamynyń damýyna eleýli úles qosyp kele jatqan qoǵam qairatkeri.
Óz kezeginde, meritokratiia qaǵidatyna sáikes AMT jetekshisi bolyp, buǵan deiin jetekshiniń orynbasary laýazymyn atqarǵan Rahym Oshaqbaev taǵaiyndaldy. R.Oshaqbaev – ekonomist, «TALAP» qoldanbaly zertteýler ortalyǵynyń direktory.
