Jazýshy shyǵarmashylyq ósý jolynda ózinen burynǵylardy oqidy, sińiredi. Olardyń ómirine hám shyǵarmashylyǵyna erekshe áser etken qalamgerler, shyǵarmalar bolatyny anyq. Olai bolsa, biz áigili jazýshylardyń ómirin ózgertken kitaptar jóninde baiandamaqpyz.
Gabriel Garsia Markes – "Qubylý" Frants Kafka
Bul jaiynda ol óte keremet etip aityp bergen edi:
"Frants Kafkanyń "Metamorfozalary" alǵashqy sózderinen-aq meniń ómirlik jolymdy aiqyndap berdi. Jańa kún meni osyndai shyǵarma jazý úshin jazý mashinkasyna otyrǵyzdy. Odan keiingi kúnderi kitaptyń siqyry joǵalar degen qorqynyshpen ýniversitetke barýymdy da toqtattym".
Ernest Hemingýei – "Soǵys jáne beibitshilik" Lev Tolstoi
"Men óte qarapaiym túrde bastadym da, Týrgenev myrzany jeńdim. Keiin D.Mopassan myrzany jeńý qiynǵa soqty. Stendal myrzamen eki ret teń tústim, biraq sońǵy raýndta upai boiynsha jeńdim. Alaida, men eshqashan Tolstoiǵa qarsy sharshy alańǵa shyqpaimyn".
Iosif Brodskii – "Ieits estelikteri" óleńi Ýisten Oden
"Kitapty ashqan kezde ańdaýsyzda Odenniń "Ieits estelikteri" óleńine kózim tústi. Kishkentai úide otyryp oqyǵan óleńime jartylai sener-senbesten, kólemi illiýminatormen shamalas dymqyl terezeden batpaqty jolda júgirip júrgen taýyqtarǵa qarap otyrǵanym esimde. Menińshe, 1939 jyly aǵylshyn aqyny "Ýaqyt tildi qurmetteidi, biraq qorshaǵan ómir sol qalpynda qaldy" – dep jazǵanyna sengim kelmedi",– dep esine aldy Brodskii.
Sol kezden bastap Oden Brodskiidiń ómirindegi basty avtorǵa ainaldy.
KSRO-dan qýylǵan Brodskii birinshi kezekte óziniń kýmirine qonaqqa bardy.
Djoan Roýling – "Emma" Djein Ostin
Mihail Býlgakov - "Saardamdyq aǵash sheberi" Petr Fýrman
Býlgakov bul týyndyny óziniń kóptegen shyǵarmalarynda aityp ótedi. "Saardamdyq aǵash sheberi" eshqashan ólmeitin týyndy bop qala bermek.
Jandarbek Jumaǵulov
