Túrkistan oblysynda áielin baltamen uryp, aýyr jaraqat salǵan er adam 11 jylǵa sottaldy, dep habarlaidy "Ult aqparat" polisia.kz saityna silteme jasap.
Eske sala keteiik, biylǵy 27 aqpanda, tańǵy saǵat 9:40-ta Keles aýdandyq politsiia bólimine aýdan kósheleriniń birinde belgisiz áieldiń jaraqattanyp jatqany týraly habar túsken bolatyn. Politseiler birden isti ashýǵa baǵyttalǵan tekserý sharalaryna kirisip, sol aýmaqty tyńǵylyqty tekserdi. Kýágerlerden jaýap alyndy. Sonymen qatar oqiǵa ornynan aiǵaqty zat retinde balta tárkilendi.
Aýyr jaraqat alǵan áiel densaýlyǵyna bailanysty shaǵymdana almaǵann soń, onyń ápkesi politsiia bólimine kelip aryzdandy. Aryz QR QK-niń 24-99-baby «Adam óltirýge oqtalý» boiynsha sotqa deiingi tergep-tekserýdiń biryńǵai tizilimine engizip, tergeý júrgizildi.
«Jedel izdestirý sharalarynyń nátijesinde, kúdikti retinde zardap shekken áieldiń kúieýi 2-3 saǵat ishinde aýdan kósheleriniń birinen ustaldy. Tergeý barysynda belgili bolǵandai, kúdikti men áieliniń arasynda otbasylyq janjal týyndaǵan jáne bul, erli-zaiyptylar arasyndaǵy alǵashqy kikiljiń bolmaǵan. Buǵan deiin de birneshe ret qaitalanǵan. Al dál osy jait kezinde kúieýi áieldi uryp soǵyp, oǵan baltamen umtylǵan. Záresi ushqan áiel qasha jóneledi. Alaida, kúieýi artynan qýyp jetip, qolyndaǵy baltasymen ony aiaýsyz soqqan. Búgingi tańda zardap shekken áiel emhanaǵa qaralyp, tiisti otasy jasaldy. Alaida betine tigen baltanyń saldarynan bir kózi qatty zaqymdanyp, bir jaǵynan bas jaraqatyn alǵan», - delingen aqparatta.
Málim etilgendei, qazirgi ýaqytta áieldiń jaǵdaiy birqalypty. Ol Shymkent qalasyndaǵy týystarynyń úiinde. Taǵy bir ota jasaýǵa daiyndalýda.
Túrkistan oblystyq sotynyń sheshimimen kúdikti 11 jyl 3 aiǵa bas bostandyǵynan aiyryldy.
