Foto: instagram.com/rakhat_turlykhanov
Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty uryp-soǵý faktisi boiynsha Rahat Turlyhanovqa qatysty ákimshilik isti qarady, dep habarlaidy "Ult aqparat" Almaty sottarynyń resmi paraqshasyna silteme jasap.
Sotpen anyqtalǵany, ótken jyldyń jeltoqsan aiynda Turlyhanov úiinde bolǵan kezde janjal shyǵaryp, áielin uryp-soqqan.
Sot otyrysynda ol óz kinásin moiyndap, istegen isine ókinetinin jetikizdi. Sondai-aq ózara tatýlasýǵa bailanysty sottan isti toqtatýdy surady.
Áieli is materialdarynda kórsetilgen faktilerdi rastap, kúieýimen tatýlasqanyn aitty.
"Zań talabyna sáikes, iaǵni ÁQBtK-niń 73-2 baby 1-1 bóligi boiynsha kózdelgen ákimshilik quqyqbuzýshylyq úshin jaza - eskertý nemese 10 táýlikke ákimshilik qamaqqa alý.
Sot qaýlysymen Turlyhanov ÁQBtK-niń 73-2 baby 1-1 bóligi boiynsha ákimshilik quqyqbuzýshylyqty jasaǵany úshin kináli tanylyp, eskertý túrindegi ákimshilik jazaǵa tartyldy.
Sot qaýlysy zańdy kúshine engen joq" - delingen habarlamada.
