Mańǵystaýda avtokólik jyraǵa qulap, júrgizýshisi qaza tapty, - dep habarlaidy Lada portaly.
8 qyrkúiekte saǵat 00:10-da Túpqaraǵan aýdandyq politsiia bóliminiń kezekshi pýltine bir áiel habarlasyp, kúieýi joǵalyp ketkenin málimdegen.
Onyń aitýynsha, kúieýi úiden kúndiz Opel Vectra kóligimen jolǵa shyqqan. Ekeýi telefonmen ýaqyt óte sóilesip turǵan, alaida keiin bailanys joǵalyp ketken.
"Politsiia qyzmetkerleri túni boiy aýdan boiynsha izdeý jumystaryn júrgizdi. Kelesi kúni tańǵy saǵat 09:00 shamasynda ýchaskelik politsiia inspektorlary kólikti Qyzyl-Ózen aýylynyń mańynan tapty. Avtokólik jyraǵa qulap ketkeni belgili boldy. Kóliktiń salonynda júrgizýshi ǵana bolǵan", - delingen basylymda.
Qazir tergeý amaldary júrip jatyr.
