ماڭعىستاۋدا اۆتوكٶلٸك جىراعا قۇلاپ, جٷرگٸزۋشٸسٸ قازا تاپتى, - دەپ حابارلايدى Lada پورتالى.
8 قىركٷيەكتە ساعات 00:10-دا تٷپقاراعان اۋداندىق پوليتسييا بٶلٸمٸنٸڭ كەزەكشٸ پۋلتٸنە بٸر ەيەل حابارلاسىپ, كٷيەۋٸ جوعالىپ كەتكەنٸن مەلٸمدەگەن.
ونىڭ ايتۋىنشا, كٷيەۋٸ ٷيدەن كٷندٸز Opel Vectra كٶلٸگٸمەن جولعا شىققان. ەكەۋٸ تەلەفونمەن ۋاقىت ٶتە سٶيلەسٸپ تۇرعان, الايدا كەيٸن بايلانىس جوعالىپ كەتكەن.
"پوليتسييا قىزمەتكەرلەرٸ تٷنٸ بويى اۋدان بويىنشا ٸزدەۋ جۇمىستارىن جٷرگٸزدٸ. كەلەسٸ كٷنٸ تاڭعى ساعات 09:00 شاماسىندا ۋچاسكەلٸك پوليتسييا ينسپەكتورلارى كٶلٸكتٸ قىزىل-ٶزەن اۋىلىنىڭ ماڭىنان تاپتى. اۆتوكٶلٸك جىراعا قۇلاپ كەتكەنٸ بەلگٸلٸ بولدى. كٶلٸكتٸڭ سالونىندا جٷرگٸزۋشٸ عانا بولعان", - دەلٸنگەن باسىلىمدا.
قازٸر تەرگەۋ امالدارى جٷرٸپ جاتىر.
