Ult.kz-te jihankez jýrnalist Dinara Bolattyń ózge paiymy.
Áieldik bolmysty qaitarý, tabiǵat boiymyzǵa salyp bergen náziktikke qol jetkizý taqyryby sońǵy jyldary óte ózekti. Ótken ǵasyrdyń salǵan aýyr izderi, salmaǵy áiel balasynyń moinyna túskendikten "názikjandy" dep erekshelenetin jynys ókili óziniń náziktinin joǵaltýy ‒ qiyn jaǵdai.
Aldymen náziktik, áieldik bolmys túsiniginiń qandai adamdy, naqty neni meńzeitinin anyqtap kórsek;
Áieldik náziktik eń áýeli ol ‒ kúi. Áiel adamnyń túr-álpeti men kiim kiisinen buryn, onyń ózinen, ainalasynan seziletin názik, ádemi kúi. Sonyń ishinde áiel adamnyń ózin, ainalasyn, álemdi, ómirdi qabyldaý kúii.
Áý bastan qyz balasy náziktikke beiim bolyp dúniege keledi. Iaǵni ár qyz balasynyń boiynda meiirim, qamqorlyq, sezimtaldyq sekildi taldyrmash qasietter bolady. Tek tárbielený, qalyptasý barysynda otbasy, qoǵam, ortasynyń áserimen túrli transformatsiiaǵa ushyrap, boiyndaǵy áieldik bolmys qalyń uiqyǵa ketken. Al keibir qyz-kelinshekter qorǵanys maqsatynda ishindegi sezimderdi buǵyp, názik tusyn osaldyqqa sanap, ony jasyrýǵa tyrysady.
Qai jaǵdaida da ony qaitarý boiynsha biraz jumys isteý qajet.
Sonyń ishinde:
Ishki úilesimdilikke umtylý
Eń basty arpalys álemmen, ózgemen emes, ózimizden bastalýy tiis. Ózimizdi saqtaýǵa tyrysý, ishki daýysymyzdy tyńdap, qalaýlarymyzdy oryndap, armandarymyzdy syilaý. Sonyń ishinde ózimizge qatań bolmaý, artyq moinymyzǵa júk almaý, qurbandyqqa barmaý, qudaimen bailanysta bolyp, ár kúnimizge alǵys aitý ishki úilesimdilikke jetkizedi.
Tánmen úilesimde bolý
Tándi tyńdaý, tánińmen birge úilesimde tynys alý, onyń yrǵaǵyna ilese alý, qalaýlaryn túsiný de ‒ óner. Bul oraida qyz kelinshekterge tánniń jumsaq, yrǵaqty qozǵalysy iske qosylatyndai latyn, shyǵys bilerin bileý, ioga, meditatsiia jasaý, jii massaj alý árkimge óz denesin tolyq qabyldap, seziný, túsinýge ákeledi.
Sezim bailyǵyn arttyrý
Sezimtaldyqty arttyrý, tereń sezine alý qasietin damytý úshin áiel balasy jii baiaý, ádemi án tyńdap, tabiǵattyń ortasynda jii serýendep, óziniń shyǵarmashylyq qabiletin iske asyrý jolynda jumys istegeni abzal. Túrli tústi boiaý, áýen, pishin, dámderdi tolyqqandy seziný, ideialardy órbitý sezimtaldyqty arttyrady.
"Men jii aitatyn sezim bailyǵy ǵana osy qasietterdi syilaidy. Ol úshin áiel adam óziniń sezimderin, qýanysh, ashý, yza, tamsaný, elitý siiaqty túrli kúilerin baqylap úirenýi tiis. Óz ýaqytyn paidalanyp, tynyshtyqpen, ánmen, sýdyń tamshysymen, jeldiń ópkenimen, bimen úilesimin baiqap, ár kúiimen tanysyp, neni unatady, qai kúi ózine erekshe úilesedi - ajyrata bastaidy. Kóp adamnyń kózine kórinbes,qolymen ustai almas óte názik kúige jetkende ǵana ol óziniń qylyǵyn syrtqy pishinmen ushtai alady. Ádemi kiimdi, biik óksheni, qyzyl pomadany, astyndaǵy kóligin óziniń ishki kúiimen, mazmunymen toltyqtyryp, ainalasyndaǵy ár nársege mán, qýat, ár berip turatyn ózi bolady."
“Sońyna deiin áiel” kitabynan úzindi
Paiym
Ómirdiń, tirshiliktiń tynysy tek áieldiń kúiine bailanysty. Áiel adamnyń náziktigimen ǵana álemde, qoǵamda meiirim, izgilik, sulýlyq oryn alady. Bolashaqta izgi qoǵam qalyptastyrýshy, jasampaz bolyp ósýi kerek ár urpaqtyń ómirin jylýlyq pen mahabbatqa toltyrý tek áieldik bolmysyn saqtai alǵan ananyń ǵana qolynan keledi. "Álem ‒ áielmen kórkem" deidi. Álemi sonyń ishinde áieldiń ádemi kúiimen kórkem ekenin esten shyǵarmaiyq.
.jpg)