ەيەلدٸك بولمىستى قايتارۋ

Ult.kz-تە جيھانكەز جۋرناليست دينارا بولاتتىڭ ٶزگە پايىمى.

ەيەلدٸك بولمىستى قايتارۋ, تابيعات بويىمىزعا سالىپ بەرگەن نەزٸكتٸككە قول جەتكٸزۋ تاقىرىبى سوڭعى جىلدارى ٶتە ٶزەكتٸ. ٶتكەن عاسىردىڭ سالعان اۋىر ٸزدەرٸ, سالماعى ەيەل بالاسىنىڭ موينىنا تٷسكەندٸكتەن "نەزٸكجاندى" دەپ ەرەكشەلەنەتٸن جىنىس ٶكٸلٸ ٶزٸنٸڭ نەزٸكتٸنٸن جوعالتۋى ‒ قيىن جاعداي.

الدىمەن نەزٸكتٸك, ەيەلدٸك بولمىس تٷسٸنٸگٸنٸڭ قانداي ادامدى, ناقتى نەنٸ مەڭزەيتٸنٸن انىقتاپ كٶرسەك; 

ەيەلدٸك نەزٸكتٸك ەڭ ەۋەلٸ ول ‒ كٷي. ەيەل ادامنىڭ تٷر-ەلپەتٸ مەن كيٸم كيٸسٸنەن بۇرىن, ونىڭ ٶزٸنەن, اينالاسىنان سەزٸلەتٸن نەزٸك, ەدەمٸ كٷي. سونىڭ ٸشٸندە ەيەل ادامنىڭ ٶزٸن, اينالاسىن, ەلەمدٸ, ٶمٸردٸ قابىلداۋ كٷيٸ.

ەۋ باستان قىز بالاسى نەزٸكتٸككە بەيٸم بولىپ دٷنيەگە كەلەدٸ. ياعني ەر قىز بالاسىنىڭ بويىندا مەيٸرٸم, قامقورلىق, سەزٸمتالدىق سەكٸلدٸ تالدىرماش قاسيەتتەر بولادى. تەك تەربيەلەنۋ, قالىپتاسۋ بارىسىندا وتباسى, قوعام, ورتاسىنىڭ ەسەرٸمەن تٷرلٸ ترانسفورماتسيياعا ۇشىراپ, بويىنداعى ەيەلدٸك بولمىس قالىڭ ۇيقىعا كەتكەن. ال كەيبٸر قىز-كەلٸنشەكتەر قورعانىس ماقساتىندا ٸشٸندەگٸ سەزٸمدەردٸ بۇعىپ, نەزٸك تۇسىن وسالدىققا ساناپ, ونى جاسىرۋعا تىرىسادى.

قاي جاعدايدا دا ونى قايتارۋ بويىنشا بٸراز جۇمىس ٸستەۋ قاجەت.

سونىڭ ٸشٸندە:

ٸشكٸ ٷيلەسٸمدٸلٸككە ۇمتىلۋ

ەڭ باستى ارپالىس ەلەممەن, ٶزگەمەن ەمەس, ٶزٸمٸزدەن باستالۋى تيٸس. ٶزٸمٸزدٸ ساقتاۋعا تىرىسۋ, ٸشكٸ داۋىسىمىزدى تىڭداپ, قالاۋلارىمىزدى ورىنداپ, ارماندارىمىزدى سىيلاۋ. سونىڭ ٸشٸندە ٶزٸمٸزگە قاتاڭ بولماۋ, ارتىق موينىمىزعا جٷك الماۋ, قۇرباندىققا بارماۋ, قۇدايمەن بايلانىستا بولىپ, ەر كٷنٸمٸزگە العىس ايتۋ ٸشكٸ ٷيلەسٸمدٸلٸككە جەتكٸزەدٸ.

تەنمەن ٷيلەسٸمدە بولۋ

تەندٸ تىڭداۋ, تەنٸڭمەن بٸرگە ٷيلەسٸمدە تىنىس الۋ, ونىڭ ىرعاعىنا ٸلەسە الۋ, قالاۋلارىن تٷسٸنۋ دە ‒ ٶنەر. بۇل ورايدا قىز كەلٸنشەكتەرگە تەننٸڭ جۇمساق, ىرعاقتى قوزعالىسى ٸسكە قوسىلاتىنداي لاتىن, شىعىس بيلەرٸن بيلەۋ, يوگا, مەديتاتسييا جاساۋ, جيٸ ماسساج الۋ ەركٸمگە ٶز دەنەسٸن تولىق قابىلداپ, سەزٸنۋ, تٷسٸنۋگە ەكەلەدٸ.

سەزٸم بايلىعىن ارتتىرۋ

سەزٸمتالدىقتى ارتتىرۋ, تەرەڭ سەزٸنە الۋ قاسيەتٸن دامىتۋ ٷشٸن ەيەل بالاسى جيٸ باياۋ, ەدەمٸ ەن تىڭداپ, تابيعاتتىڭ ورتاسىندا جيٸ سەرۋەندەپ, ٶزٸنٸڭ شىعارماشىلىق قابٸلەتٸن ٸسكە اسىرۋ جولىندا جۇمىس ٸستەگەنٸ ابزال. تٷرلٸ تٷستٸ بوياۋ, ەۋەن, پٸشٸن, دەمدەردٸ تولىققاندى سەزٸنۋ, يدەيالاردى ٶربٸتۋ سەزٸمتالدىقتى ارتتىرادى.

"مەن جيٸ ايتاتىن سەزٸم بايلىعى عانا وسى قاسيەتتەردٸ سىيلايدى. ول ٷشٸن ەيەل ادام ٶزٸنٸڭ سەزٸمدەرٸن, قۋانىش, اشۋ, ىزا, تامسانۋ, ەلٸتۋ سيياقتى تٷرلٸ كٷيلەرٸن باقىلاپ ٷيرەنۋٸ تيٸس. ٶز ۋاقىتىن پايدالانىپ, تىنىشتىقپەن, ەنمەن, سۋدىڭ تامشىسىمەن, جەلدٸڭ ٶپكەنٸمەن, بيمەن ٷيلەسٸمٸن بايقاپ, ەر كٷيٸمەن تانىسىپ, نەنٸ ۇناتادى, قاي كٷي ٶزٸنە ەرەكشە ٷيلەسەدٸ - اجىراتا باستايدى. كٶپ ادامنىڭ كٶزٸنە كٶرٸنبەس,قولىمەن ۇستاي الماس ٶتە نەزٸك كٷيگە جەتكەندە عانا ول ٶزٸنٸڭ قىلىعىن سىرتقى پٸشٸنمەن ۇشتاي الادى. ەدەمٸ كيٸمدٸ, بيٸك ٶكشەنٸ, قىزىل پومادانى, استىنداعى كٶلٸگٸن ٶزٸنٸڭ ٸشكٸ كٷيٸمەن, مازمۇنىمەن تولتىقتىرىپ, اينالاسىنداعى ەر نەرسەگە مەن, قۋات, ەر بەرٸپ تۇراتىن ٶزٸ بولادى."

“سوڭىنا دەيٸن ەيەل” كٸتابىنان ٷزٸندٸ

پايىم

ٶمٸردٸڭ, تٸرشٸلٸكتٸڭ تىنىسى تەك ەيەلدٸڭ كٷيٸنە بايلانىستى. ەيەل ادامنىڭ نەزٸكتٸگٸمەن عانا ەلەمدە, قوعامدا مەيٸرٸم, ٸزگٸلٸك, سۇلۋلىق ورىن الادى. بولاشاقتا ٸزگٸ قوعام قالىپتاستىرۋشى, جاسامپاز بولىپ ٶسۋٸ كەرەك ەر ۇرپاقتىڭ ٶمٸرٸن جىلۋلىق پەن ماحابباتقا تولتىرۋ تەك ەيەلدٸك بولمىسىن ساقتاي العان انانىڭ عانا قولىنان كەلەدٸ. "ەلەم ‒ ەيەلمەن كٶركەم" دەيدٸ. ەلەمٸ سونىڭ ٸشٸندە ەيەلدٸڭ ەدەمٸ كٷيٸمەن كٶركەم ەكەنٸن ەستەن شىعارمايىق.