QR Premer-Ministri Álihan Smaiylov áielderdiń zeinet jasyn tómendetý boiynsha qandai jumys atqarylatynyn aitty, dep habarlaidy QazAqparat.
«Áielderdiń zeinetke shyǵý jasy 2028 jylǵa deiin 61 jas bolyp saqtalady. Osy 5 jyl ishinde biz densaýlyq saqtaý júiesin jetildirýimiz kerek. Ol úshin aýyldaǵy meditsinany jaqsartamyz, aýdandardaǵy meditsinalyq emhanalardy jańǵyrtamyz, kópbeiindi aýrýhanalar salamyz», - dedi Úkimet basshysy Májiliste tilshilerge bergen suhbatynda.
Sonymen birge, Premer-Ministr zeinetaqy júiesin ári qarai jetildirý kerektigin atap ótti.
«Jinaqty zeinetaqy alý mólsherin 2025 jylǵa 27 protsentke ulǵaitamyz degen josparymyz bar. Osy jumystyń nátijesinde 2028 jyly zeinetke shyǵý jasyn ári qarai ulǵaitamyz ba, álde qaldyramyz ba - qarastyryp kóremiz», - dedi Smaiylov.
Aita keteiik, qazaqstandyq áielder 2023 jyldyń 1 qańtarynan bastap 61 jasynda zeinetke shyǵady.
