قر پرەمەر-مينيسترٸ ەليحان سمايىلوۆ ەيەلدەردٸڭ زەينەت جاسىن تٶمەندەتۋ بويىنشا قانداي جۇمىس اتقارىلاتىنىن ايتتى, دەپ حابارلايدى قازاقپارات.
«ەيەلدەردٸڭ زەينەتكە شىعۋ جاسى 2028 جىلعا دەيٸن 61 جاس بولىپ ساقتالادى. وسى 5 جىل ٸشٸندە بٸز دەنساۋلىق ساقتاۋ جٷيەسٸن جەتٸلدٸرۋٸمٸز كەرەك. ول ٷشٸن اۋىلداعى مەديتسينانى جاقسارتامىز, اۋداندارداعى مەديتسينالىق ەمحانالاردى جاڭعىرتامىز, كٶپبەيٸندٸ اۋرۋحانالار سالامىز», - دەدٸ ٷكٸمەت باسشىسى مەجٸلٸستە تٸلشٸلەرگە بەرگەن سۇحباتىندا.
سونىمەن بٸرگە, پرەمەر-مينيستر زەينەتاقى جٷيەسٸن ەرٸ قاراي جەتٸلدٸرۋ كەرەكتٸگٸن اتاپ ٶتتٸ.
«جيناقتى زەينەتاقى الۋ مٶلشەرٸن 2025 جىلعا 27 پروتسەنتكە ۇلعايتامىز دەگەن جوسپارىمىز بار. وسى جۇمىستىڭ نەتيجەسٸندە 2028 جىلى زەينەتكە شىعۋ جاسىن ەرٸ قاراي ۇلعايتامىز با, ەلدە قالدىرامىز با - قاراستىرىپ كٶرەمٸز», - دەدٸ سمايىلوۆ.
ايتا كەتەيٸك, قازاقستاندىق ەيەلدەر 2023 جىلدىڭ 1 قاڭتارىنان باستاپ 61 جاسىندا زەينەتكە شىعادى.
