Almaty qalasynda kúres túrlerinen ótip jatqan Aziia chempionatynda áielder arasynda búgin bes salmaqta jeńimpaz-júldegerler anyqtaldy, dep habarlaidy "Ult aqparat".
Qazaqstandyqtar, Tokio olimpiadasy joldamasynyń iegerleri Valentina Islamova-Brik pen Elmira Syzdyqova ózderiniń babynda ekendigin tanyta bildi.
V.Islamova-Brik 50 kelige deiingi salmaqta qarsylas shaq keltirgen joq. Ol finalda ózbekstandyq Jasmin Immaevany da merziminen buryn jeńip, altynnan alqa taqty.
Rio Olimpiadasynyń qola júldegeri E.Syzdyqova 76 kg salmaqta alǵashqy beldesýinde qyrǵyzstandyq Aiperi Medetqyzyna 1:6 esebimen ese jiberip qoidy. Degenmen ol óz tobynda ekinshi orynmen jartylai finalǵa, odan keiin sońǵy básekege joldama aldy. Finalda Elmirany taǵy da A.Medetqyzy kútip turdy. Bul joly qazaqstandyq balýan qarsylasynan ailasyn asyryp, taza jeńdi.
Taǵy bir qazaqstandyq Aisha Ýálishan 55 kelige deiingi salmaqta qola júldeger atandy.
Osylaisha áielder arasynda jarystyń alǵashqy kúni Qazaqstan quramasy eki altyn, bir qola medalǵa qol jetkizdi. Erteń taǵy bes salmaqta myqtylar anyqtalady. Biyl Aziia birinshiligine Qytai men Japoniia quramalary qatysyp jatqan joq. Sondyqtan basqa elderdiń balýandaryna komandalyq esepte top jarýǵa múmkindik týyp tur.
