Qazaqstan Respýblikasy Prezidentiniń janyndaǵy Áielder isteri jáne otbasylyq-demografiialyq saiasat jónindegi ulttyq komissiia tóraiymy Lázzat Ramazanova «BUU-Áielder» uiymynyń Shyǵys áriptestik elderi men Ortalyq Aziia aimaǵyndaǵy áielder máseleleri jáne genderlik teńdik boiynsha ulttyq qurylymdar basshylarymen virtýaldy dialogqa qatysty, dep habarlaidy "Ult aqparat".
Onyń jumysyna QR-daǵy Adam quqyqtary jónindegi ýákil Elvira Ázimova, BUU Bas hatshysynyń kómekshisi jáne «BUU-Áielder» qurylymynyń oryndaýshy direktorynyń orynbasary Osa Regner, Eýropa jáne Ortalyq Aziia elderindegi «BUU-Áielder» qurylymynyń óńirlik direktory Áliia El-Iasir, Armeniia, Ázerbaijan, Ýkraina, Belarýs, Qyrǵyzstan, Ózbekstan jáne t.b. elderdiń áielder máseleleri jáne genderlik teńdik máseleleri jónindegi ulttyq qurylymdardyń basshylary qatysty.
Virtýaldy dialogtyń maqsaty – COVID-19-ǵa qarsy qysqa merzimdi jáne uzaq merzimdi den qoiýdyń genderlik-bailanysty sharalary úshin qiyndyqtar men basymdyqtardy talqylaý.
Lázzat Ramazanova Prezidenttiń «Memleket bul qiyn ýaqytta eshkimdi qaldyrmaidy» atty bas messedjine nazar aýdardy. Memleket basshysynyń tapsyrmasy boiynsha memlekettik komissiia qurylyp, koronavirýs infektsiiasynyń taralýynyń aldyn alý boiynsha is-sharalar jospary bekitildi. Qazaqstan barlyq qajetti qoldaý sharalaryn qabyldaýda. Koronavirýsqa qarsy kúreske jáne daǵdarysqa qarsy sharalardy iske asyrýǵa 6 trillion teńge nemese 13 mlrd dollar bólindi. 5 mln qazaqstandyq, onyń ishinde epidemiiaǵa qarsy is-sharalarǵa jumyldyrylǵan dárigerler men tabysynan aiyrylǵan azamattar memleketten qarjylai jáne azyq-túliktik kómek aldy.
Lázzat Ramazanova áielder pandemiiamen kúreste aldyńǵy qatarda ekenin atap ótti. Bul, eń aldymen, qiyn jaǵdaida qajyrly eńbek etip jatqan meditsina jáne áleýmettik qyzmetkerler men muǵalimder. Qazaqstanda densaýlyq saqtaý, bilim berý jáne halyqty áleýmettik qorǵaý salasyndaǵy áielderdiń úlesi 73% - dan asady (2019 j.).
«Qazaqstan COVID-19 pandemiiasy sebebinen týyndaǵan jaǵdaidy jaqsartýǵa arnalǵan genderlik teńdikti qamtamasyz etý jónindegi jol kartasyn ázirleý qajettiligi týraly «BUU-Áielder» bastamasyn qoldaidy», - dedi ulttyq komissiia tóraiymy Lázzat Ramazanova.
Virtýaldy dialog qorytyndysy boiynsha qatysýshylar arasynda pandemiiany taratýǵa qarsy sharalar sheńberinde áielderdiń quqyqtary men múmkindikterin keńeitý úshin mindettemelerdi odan ári ilgeriletý men oryndaý úshin qajetti is-áreketterge qatysty jalpy túsinistikke qol jetkizildi.
