قازاقستان رەسپۋبليكاسى پرەزيدەنتٸنٸڭ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييا تٶرايىمى لەززات رامازانوۆا «بۇۇ-ەيەلدەر» ۇيىمىنىڭ شىعىس ەرٸپتەستٸك ەلدەرٸ مەن ورتالىق ازييا ايماعىنداعى ەيەلدەر مەسەلەلەرٸ جەنە گەندەرلٸك تەڭدٸك بويىنشا ۇلتتىق قۇرىلىمدار باسشىلارىمەن ۆيرتۋالدى ديالوگقا قاتىستى, دەپ حابارلايدى "ۇلت اقپارات".
ونىڭ جۇمىسىنا قر-داعى ادام قۇقىقتارى جٶنٸندەگٸ ۋەكٸل ەلۆيرا ەزٸموۆا, بۇۇ باس حاتشىسىنىڭ كٶمەكشٸسٸ جەنە «بۇۇ-ەيەلدەر» قۇرىلىمىنىڭ ورىنداۋشى ديرەكتورىنىڭ ورىنباسارى وسا رەگنەر, ەۋروپا جەنە ورتالىق ازييا ەلدەرٸندەگٸ «بۇۇ-ەيەلدەر» قۇرىلىمىنىڭ ٶڭٸرلٸك ديرەكتورى ەلييا ەل-ياسير, ارمەنييا, ەزەربايجان, ۋكراينا, بەلارۋس, قىرعىزستان, ٶزبەكستان جەنە ت.ب. ەلدەردٸڭ ەيەلدەر مەسەلەلەرٸ جەنە گەندەرلٸك تەڭدٸك مەسەلەلەرٸ جٶنٸندەگٸ ۇلتتىق قۇرىلىمداردىڭ باسشىلارى قاتىستى.
ۆيرتۋالدى ديالوگتىڭ ماقساتى – COVID-19-عا قارسى قىسقا مەرزٸمدٸ جەنە ۇزاق مەرزٸمدٸ دەن قويۋدىڭ گەندەرلٸك-بايلانىستى شارالارى ٷشٸن قيىندىقتار مەن باسىمدىقتاردى تالقىلاۋ.
لەززات رامازانوۆا پرەزيدەنتتٸڭ «مەملەكەت بۇل قيىن ۋاقىتتا ەشكٸمدٸ قالدىرمايدى» اتتى باس مەسسەدجٸنە نازار اۋداردى. مەملەكەت باسشىسىنىڭ تاپسىرماسى بويىنشا مەملەكەتتٸك كوميسسييا قۇرىلىپ, كوروناۆيرۋس ينفەكتسيياسىنىڭ تارالۋىنىڭ الدىن الۋ بويىنشا ٸس-شارالار جوسپارى بەكٸتٸلدٸ. قازاقستان بارلىق قاجەتتٸ قولداۋ شارالارىن قابىلداۋدا. كوروناۆيرۋسقا قارسى كٷرەسكە جەنە داعدارىسقا قارسى شارالاردى ٸسكە اسىرۋعا 6 تريلليون تەڭگە نەمەسە 13 ملرد دوللار بٶلٸندٸ. 5 ملن قازاقستاندىق, ونىڭ ٸشٸندە ەپيدەميياعا قارسى ٸس-شارالارعا جۇمىلدىرىلعان دەرٸگەرلەر مەن تابىسىنان ايىرىلعان ازاماتتار مەملەكەتتەن قارجىلاي جەنە ازىق-تٷلٸكتٸك كٶمەك الدى.
لەززات رامازانوۆا ەيەلدەر پاندەمييامەن كٷرەستە الدىڭعى قاتاردا ەكەنٸن اتاپ ٶتتٸ. بۇل, ەڭ الدىمەن, قيىن جاعدايدا قاجىرلى ەڭبەك ەتٸپ جاتقان مەديتسينا جەنە ەلەۋمەتتٸك قىزمەتكەرلەر مەن مۇعالٸمدەر. قازاقستاندا دەنساۋلىق ساقتاۋ, بٸلٸم بەرۋ جەنە حالىقتى ەلەۋمەتتٸك قورعاۋ سالاسىنداعى ەيەلدەردٸڭ ٷلەسٸ 73% - دان اسادى (2019 ج.).
«قازاقستان COVID-19 پاندەميياسى سەبەبٸنەن تۋىنداعان جاعدايدى جاقسارتۋعا ارنالعان گەندەرلٸك تەڭدٸكتٸ قامتاماسىز ەتۋ جٶنٸندەگٸ جول كارتاسىن ەزٸرلەۋ قاجەتتٸلٸگٸ تۋرالى «بۇۇ-ەيەلدەر» باستاماسىن قولدايدى», - دەدٸ ۇلتتىق كوميسسييا تٶرايىمى لەززات رامازانوۆا.
ۆيرتۋالدى ديالوگ قورىتىندىسى بويىنشا قاتىسۋشىلار اراسىندا پاندەمييانى تاراتۋعا قارسى شارالار شەڭبەرٸندە ەيەلدەردٸڭ قۇقىقتارى مەن مٷمكٸندٸكتەرٸن كەڭەيتۋ ٷشٸن مٸندەتتەمەلەردٸ ودان ەرٸ ٸلگەرٸلەتۋ مەن ورىنداۋ ٷشٸن قاجەتتٸ ٸس-ەرەكەتتەرگە قاتىستى جالپى تٷسٸنٸستٸككە قول جەتكٸزٸلدٸ.
