Aqtóbede aýyr qylmys jasaǵany úshin izdeýde júrgen er adam ustaldy, dep habarlaidy "Ult aqparat" Polisia.kz Telegram arnasyna silteme jasap.
"30 qarashada oblystyq PD Kriminaldyq politsiia basqarmasynyń qyzmetkerleri Aqtóbe oblysy boiynsha Shekara qyzmeti departamentiniń qyzmetkerlerimen birlesip, 8 jyldan astam sot tóreliginen jasyrynǵan Resei Federatsiiasynyń azamatyn ustady. Orynbor oblysynyń 35 jastaǵy turǵyny Aqtóbe qalasyndaǵy jihaz tsehtarynyń birinde ustaldy" - delingen habarlamada.
Kúdikti QR QK-niń 120-baby 2-bóligi "Zorlaý" boiynsha izdeýde júrgen.
Qazirgi ýaqytta ustalǵan adam Aqtóbe qalasynyń ýaqytsha ustaý izoliatoryna qamaýǵa alyndy.
