"NeMolchiKZ" qorynyń jetekshisi Dina Tańsári Facebook-paraqshasynda Batys Qazaqstan oblysynda bolǵan jaǵaustatarlyq jait týraly aitty. Onyń sózinshe, er adam burynǵy áielin aiaýsyz uryp, saldarynan ol jatyrynan aiyrylǵan, - dep habarlaidy Massaget.kz portaly "Moi GOROD" basylymyna silteme jasap.
Dina Tańsáriniń sózinshe, áiel adam qorǵa júgingenge deiin er adamǵa qatysty tipti ákimshilik is te qozǵalmaǵan.
"Áreń degende Qylmystyq kodekstiń 106-baby boiynsha qylmystyq is qozǵaldy. Áieldiń burynǵy kúieýi ishkish bolǵan, qamaýǵa alynbaǵan, sotqa kelmei, áieline qoqan-loqy kórsetip, ańdyp júrgen. Prokýror úsh jyl suraǵan. Áiel jatyrynan, bala týý múmkindiginen aiyrylyp, densaýlyǵyna zaqym kelgen", - deidi qoǵam belsendisi.
Basylym málimetinshe, isti BQO Terekti aýdandyq soty qaraǵan. Oblystyq sottyń baspasóz qyzmetiniń málimetinshe, er adam áielimen sózge kelise almai, soqqyǵa jyqqan. Ol úsh jylǵa qamaýǵa alyndy. Odan bólek, zardap shekken áielge 1,5 million teńge kóleminde moraldyq shyǵyn óteýi kerek.
Sot úkimi áli kúshine enbedi.
