Foto ashyq derekkózden alyndy
Ishki ister ministriniń orynbasary Igor Lepeha otbasylyq tirandardy úiinen qýyp shyǵý týraly bastamaǵa túsinikteme berdi, dep habarlaidy Sputnik Qazaqstan.
Vedomstvo otbasynda zorlyq-zombylyq jasaityn qazaqstandyqtardy úiinen qýyp shyǵarýdy usynyp otyr.
"Birinshiden, eshqandai másele týyndamas úshin mundai sheshimdi sot qabyldaidy. Eger bul norma qabyldansa, árine. Negizi qazir mundai norma zańnamada bar. Sýdia kúsh kórsetetin adamnyń basqa baspanasy bar bolǵan jaǵdaida ǵana osy sharany qoldana alady. Mine, biz osyny alyp tastaǵymyz kelip otyr. Iaǵni eger sýdia agressordy úiinen qýyp shyǵarýdy aqylǵa qonymdy dep tapsa, ol úiden shyǵarý týraly sheshim qabyldaidy", - dep túsindirdi Lepeha úkimette ótken brifingte.
Osy oraida jýrnalister úiinen qýylǵan otbasylyq tirandar basqa jerde agressiia kórsetpei me dep surady.
"Ádette otbasynda zorlyq-zombylyqqa baratyn adamdar qalǵan jaǵdailarda jasyq keledi, zańǵa baǵynady. Osyndai, mine, paradoks. Eger basqa jerde kúsh qoldanyp jatsa, onda taǵy da jaýapqa tartamyz", - deidi ishki ister ministriniń orynbasary.
