Elbasynyń keńesshisi - baspasóz hatshysy Aidos Úkibai Nursultan Nazarbaevtyń Nur Otan tóraǵasy ókilettigin berý týraly sheshimin túsindirdi, - dep habarlaidy Tengrinews.kz tilshisi.
"Nursultan Ábishuly atqaratyn qyzmetterine qaramastan, ultymyzdyń kóshbasshysy - Elbasy, qazirgi zamannyń kórnekti saiasatkeri, álemdik qoǵamdastyq moiyndaǵan bedeldi tulǵa bolyp qala beretinin túsiný kerek.
Qazirgi zamanǵy Qazaqstandy qurýdyń bastaýynda turǵan, óz janyn elge salǵan jáne oǵan búkil ómirin arnaǵan adam árqashan halyqtyń múddelerimen ómir súretinin, ulttyń jáne búkil eldiń bolashaǵy úshin kúresetinin árkim túsinedi dep oilaimyn. Elbasynyń bul ustanymy ózgerissiz qalady", - dep túsindirdi Aidos Úkibai.
Nazarbaevtyń búgingi sheshimi bilik tranzitiniń zańdy jalǵasy ǵana ekenin aitty.
"Nursultan Nazarbaev aitqandai, Nur Otan partiiasy, ásirese, qazir pandemiiadan týyndaǵan jahandyq daǵdarys jaǵdaiynda Qazaqstan Prezidentiniń basty tiregi bolýy kerek.
Partiia jarǵysyna sáikes onyń tóraǵasyn sailaý jáne qyzmetten bosatý Nur Otan partiiasy seziniń airyqsha quzyretine jatady. Oǵan deiin Nursultan Nazarbaev partiia tóraǵasy bolyp qala beredi", - dep qosty Elbasynyń keńesshisi – baspasóz hatshysy.
