Foto: KazTAG
Eks-prezidenttiń baspasóz hatshysynyń sózinshe, Nazarbaev Máskeýge Resei prezidentiniń arnaiy shaqyrýymen barǵan, dep habarlaidy Ult.kz.
Sapar Jeńis kúniniń 80 jyldyǵymen bailanysty bolǵan. Parad ótken kúnderi belgili bir sebepterge bailanysty qatysa almapty.
"Nazarbaev pen Pýtinniń arasynda kóp jyldan beri jalǵasyp kele jatqan syilastyq qarym-qatynas bar. Nazarbaev Túrkiia, Qytai, BAÁ, Ózbekstan, Belarýs basshylarymen de dál osylai dostyq ráýishte jii habarlasyp, jeke júzdesip turady. Mundai beiresmi kezdesý men dostyq sipattaǵy áńgimeler halyqaralyq deńgeidegi úirenshikti jaǵdai", – dep jazdy baspasóz hatshy.
Úkibai Nazarbaevtyń shetelge birjola kóship ketkeni týraly aqparatty da joqqa shyǵardy.
"Nursultan Ábishuly Qazaqstanda turady, eshqaida qonys aýdarǵan joq. "Kóship ketti" degen áńgimeler ótirik", – deidi Úkibai.
