Jer reformasy jónindegi komissiianyń birinshi otyrysynda Májilis depýtaty Aidos Sarym aýyl sharýashylyǵyna qatysty tiisti saýalnama júrgizýdi usyndy, dep habarlaidy "Ult aqparat".
«Usynysqa toqtalsaq, tiisti baǵyttar boiynsha 5-6 top quryp, osyndaǵy azamattardy bólip, 5-6 poshta jáshigin ashyp, sonda usynystar jinap, kásibi kishigirim talqylaýdy uiymdastyrsaq. Bálkim, 5-6 taqyryp boiynsha tematikalyq otyrystar uiymdastyryp, mamandardy shaqyrsaq», - dedi depýtat.
Sonymen qatar ol jer máselesine qatysty tiisti saýalnama júrgizý kerektigin aitty.
«Kóptegen máseleni tek qana internetke, áleýmettik jelige qarap aityp otyrmyz ǵoi. Múmkin aýqymdy 1-2 saýalnama júrgizilse... Aýyl sharýashylyǵy salasy mamandarynyń, fermerlerdiń arasynda osyndai saýalnama qamtylýy kerek bolar. Jalpy, osyndai keshendi taqyrypta halyqtyń jáne aýylda turyp jatqan azamattardy, kásipkerlerdiń kózqarasy qandai? Biz qoǵam retinde jańaǵydai aýqymdy máselege daiynbyz ba? Bizge barynsha durys sheshim qabyldap, barynsha durys paiym bolýy úshin osyndai saýalnama jasalsa degen usynys bar», - dedi Sarym.
