Almatyda QR Aqparat jáne qoǵamdyq damý ministri Dáýren Abaevtyń qatysýymen «Qazaqstan Respýblikasynda beibit jinalystar, sherý, piketter, demonstratsiialyq jinalystardy ótkizý men uiymdastyrý tártibi týraly» jańa zań jobasy qoǵamdyq keńeste talqylandy, dep habarlaidy QazAqparat tilshisi.
Otyrysqa qatysqan sarapshylar jańa zań jobasy týraly oilaryn bildirdi.
Saiasattanýshy Aidos Sarym buǵan deiingi eski zańdy ózgertý qajettigi týǵandyǵyn aitty.
«Osy kezge deiingi 1995 jylǵy zańda aktsiialar, beibit sherýler degenniń eshbir túri, túsi degen bolmaityn. Piketke shyqsa da, basqaǵa shyqsa da 100 adam, 5000 adam shyqsa da barlyǵy birdei sipattalatyn. Osy oraida zań shyǵarý organdaryna bergen usynysta osy máseleni ádeii tizdik. Ekinshi másele, qazirgi jańa zańda 250 adam qatysatyn dúnielerge arnaiy ruqsat suraý qajet joq. Bizdiń qazirgi qoǵamdyq diskýssiia, daý-damaidyń bári sol 1-2 sózdiń ainalasynda tur. Ruqsat berý degen siiaqty. Negizi bul zańdyq daý emes, saiasi daý siiaqty», - dedi ol.
Saiasattanýshy jańa zańda beibit sherýlerge qatysty uiymdastyrýshylardyń, qatysýshylardyń mindetteri men quqyqtary aiqyndala túskenin aitty.
«Zańdy talqylaǵan kezde QR IIM, jergilikti maslihattardyń taǵy basqa organdardyń jumysy rettelýi tiis. Bolashaqta miting uiymdastyrý úirenshikti nársege ainalady. «Oibai, anaý miting ótkizipti» dep tań qalmaityn bolamyz, óitkeni ony ekiniń biri ótkizetin bolady», - dedi ol.
